بھارتی ٹی وی اداکار اپروا اگنی ہوتری کے ہاں شادی کے 18 برس بعد بیٹی کی پیدائش پر ہوئی ہے۔

بھارتی میڈیا رپورٹس کے مطابق بھارتی ڈرامہ سیریل “جسی جیسی کوئی نہیں” کے اداکار اپروا اگنی ہوتری اور ان کی اہلیہ شلپا سکلانی کے ہاں شادی کے 18 برس بعد بیٹی کی پیدائش ہوئی۔

بیٹی کی پیدائش کی اطلاع اداکار نے سوشل میڈیا کے ذریعے دی۔

اپروا اگنی ہوتری نے اپنی اور اہلیہ کی تصویر کے ساتھ ننھی بیٹی کی تصویر بھی سوشل میڈیا پر شیئر کی۔

شیئر کی گئی تصویر کے کیپشن میں انہوں نے لکھا کہ یہ سالگرہ میرے لیے بہت ہی خاص رہی کیونکہ اس موقع پر خدا نے ہمیں بہت ہی خاص، ناقابلِ یقین اور معجزاتی تحفے سے نوازا۔

ان کا کہنا تھا کہ میں اور شلپا بیٹی اشانی کانو اگنی ہوتری کو آپ لوگوں سے متعارف کرانا چاہتے ہیں۔