پاکستان کی معروف اداکارہ عروہ حسین کی خوبصورت ویڈیو سوشل میڈیا پر وائرل ہو گئی ہے۔

حال ہی میں اداکارہ نے اپنے انسٹاگرام اکاؤنٹ پر ویڈیو پوسٹ کی ہے جسے مداحوں کی جانب سے خوب پسند کیا جارہا ہے۔

شیئر کی گئی ویڈیو میں دیکھا جاسکتا ہے کہ اداکارہ نے خوبصورت عروسی لباس زیب تن کیا ہوا ہے جس میں وہ بہت پیاری لگ رہی ہیں۔

اس سے قبل عروہ حسین کی فرحان سعید کے ساتھ ایک ویڈیو سوشل میڈیا پر گردش کر رہی تھی جس میں فرحان سعید سرعام عروہ حسین کو بوسہ دے رہے تھے۔

دونوں اداکاروں کی ویڈیو نے ان کے تعلقات کی حیثیت کے بارے میں مزید قیاس آرائیوں کو جنم دیا۔

ان کے مداح کہہ رہے تھے کہ لگتا ہے یہ جوڑا ایک ساتھ ہے، ان کا کہنا تھا کہ وہ ایک دوسرے کے ساتھ ہیں اور اسی لیے فلم کر رہے ہیں۔

جہاں صارفین نے دونوں فنکاروں کو تنقید کا نشانہ بنایا وہیں مداح انہیں ہمیشہ ساتھ رہنے کی تلقین کر رہے تھے۔

واضح رہے کہ فرحان سعید اور عروہ حسین اپنی طلاق کی افواہوں اور اپنی پہلی مشترکہ پروڈکشن ٹِچ بٹن کی وجہ سے خبروں میں ہیں۔

دونوں نے طلاق کے بارے میں کوئی حتمی بیان نہیں دیا تاہم انہوں نے اپنے مداحوں کو علیحدگی سے آگاہ کر دیا۔