معروف پاکستانی اداکار اور ماڈل عنایت خان کو کراچی میں ڈاکوؤں نے لوٹ لیا۔

 اُبھرتے ہوئے اداکار عنایت خان نے سوشل میڈیا پر ایک پوسٹ شئیر کی ، جس میں انہوں نے اپنے ساتھ رونما ہونے والے اس افسوسناک واقعے کے بارے میں بتایا کہ ڈاکوؤں نے گزشتہ روز انہیں جم سے واپس گھر جاتے ہوئے راستے میں گن پوائنٹ پر لوٹ  کر موبائل فون اور قیمتی اشیاء سے محروم کر دیا۔

اداکار نےاپنی پوسٹ میں سندھ پولیس سے درخواست کی کہ سٹریٹ کرائم کو کنٹرول کریں۔

یہ بھی پڑھیں: اداکار عنایت خان کے ہاں پہلے بیٹے کی پیدائش

عنایت خان نے مزید بتایا کہ میں یہ بات اسٹوری پر نہیں بتاتا مگر میرے ساتھ یہ چوتھی مرتبہ ہوا ہے سندھ پولیس سے میری گزارش ہے کہ براہِ کرم اسٹریٹ کرائم کی روک تھام کیلئے اپنی 100 فیصد کوشش کریں تاکہ باقی لوگ نقصان سے بچ سکیں۔