پاکستان کی معروف اداکارہ عائشہ عمر نے شعیب ملک اور ثانیہ مرزا کے درمیان علیحدگی کی خبروں سے متعلق خاموشی توڑ دی۔

حال ہی میں اداکارہ نے اپنے ایک انٹرویو کے دوران گفتگو کرتے ہوئے کہا کہ میرا اور شعیب ملک کا فوٹوشوٹ گزشتہ سال ہوا تھا لیکن بھارتی میڈیا کو لگا کہ یہ نیا فوٹو شوٹ ہے اور اسی کی وجہ سے بھارتی میڈیا پر یہ خبریں سامنے آئیں کہ شعیب اور ثانیہ کے درمیان علیحدگی کی وجہ میں ہوں۔

یہ بھی پڑھیں؛ شعیب ملک سے علیحدگی؟ ثانیہ مرزا کی نئی پوسٹ پر مداح پھر تشویش میں مبتلا

     انہوں نے کہا کہ ’شعیب ملک نے جو کیا وہ ایک پروفیشنل شوٹ تھا اور اگر کسی کا کسی کے ساتھ افیئر ہوتا تو وہ دونوں پورا فوٹو شوٹ آن لائن پوسٹ نہیں کرتے‘۔

اداکارہ نے کہا کہ ’کبھی بھی شادی شدہ مردوں میں مجھے دلچسپی نہیں رہی اور شادی شدہ شخص کے ساتھ تعلقات کا سوچ بھی نہیں سکتی‘۔

یہ بھی پڑھیں؛ ثانیہ مرزا سے علیحدگی کی افواہیں دم توڑ گئیں؛ شعیب ملک کا انتہائی اہم اقدام

واضح رہے کہ بھارتی میڈیا کی جانب سے دعویٰ کیا گیا تھا کہ شعیب ملک اور ثانیہ مرزا کی مبینہ علیحدگی کی وجہ شعیب کی عائشہ عمرکے ساتھ بڑھتی قربت ہے۔