بھارتی اداکارہ  تنیشا شرما  نے خودکشی سے قبل اپنے سابقہ بوائے فرینڈ، اداکار شیزان خان کی والدہ سے کیا بات کی تھی ، ان کے درمیان گفتگو کی مبینہ فون کال لیک ہوگئی ہے۔

بھارتی میڈیا رپورٹس میں ایک آڈیو سامنے آئی ہے جس کے بارے میں یہ کہا جارہا ہے کہ اس آڈیو میں تنیشا شرما کی آواز ہے جوکہ شیزان کی والدہ کہکشاں فیضی سے بات کررہی ہیں۔

لیک کال سنیں:

یہ بھی پڑھیں: بھارتی ادکارہ کی خودکشی کے پیچھے کس کا ہاتھ؟ والدہ کا تہلکہ خیز انکشاف

تنیشا کو اس آڈیو میں یہ کہتے ہوئے اور روتے ہوئے سنا جاسکتا ہے کہ’اماں، آپ میرے لیے بہت زیادہ معنی رکھتی ہیں، آپ یہ جانتی بھی نہیں ہیں، میرا ہر بات آپ کو بتانے کا دل کرتا ہے اور اس لیے میرے ذہن جو بھی ہوگا میں آپ کو ہر بات بتاؤں گی‘۔

اُنہوں نے مزید کہا کہ’ لیکن پتا نہیں، مجھے خود بھی نہیں پتا کہ مجھے کیا ہورہا ہے۔

واضح رہےکہ گزشتہ سال 24 دسمبر کو اداکارہ تنیشا شرما نے بھارتی ڈرامہ ’علی بابا داستان کابل‘ کے سیٹ پر خودکشی کر لی تھی۔

اس واقعے کے بعد اداکارہ کی والدہ نے تنیشا کے ساتھی اداکار شیزان خان پر شبہ ظاہر کیا  تھا جس کے بعد اداکار کو گرفتار کر لیا گیا تھا۔

اس کیس میں تحقیقات کے دوران تنیشا کے اہلِ خانہ کی جانب سے الزام عائد کیا گیا تھا کہ اس کے سابقہ بوائے فرینڈ شیزان خان اور ان کے اہلِ خانہ نے تنیشا کو زبردستی حجاب کرنے پر مجبور کیا۔

ان الزامات کے حوالے سے شیزان خان کی بہنوں فلق ناز اور شفق ناز نے گزشتہ روز ایک  ہنگامہ خیز پریس کانفرنس کرتے ہوئے تنیشا شرما کی یوٹیوب پر موجود ایک کلپ کی تصویر اٹھا لائیں اور کہا کہ شیزان نے یا گھر والوں نے کبھی بھی تنیشا کو حجاب کرنے کا نہیں کہا۔

انہوں نے اپنی بات کو تصویر کے تناظر میں واضح کیا کہ یہ ایک شوٹ کا حصہ ہے اور تنیشا کو ہم نے نہیں بلکہ چینل نے حجاب پہننے پر مجبور کیا تھا۔

شیزان خان کی بہنوں نے پریس کانفرنس کرتے ہوئے نہ صرف ان تمام الزامات کا جواب دیا بلکہ ان کے وکیل نے تنیشا شرما کی والدہ اور نام نہاد ماموں سے متعلق چونکا دینے والے انکشافات بھی کیے