بھارت کے معروف اداکار سدھارتھ ملہوترا  کی شادی پر ٹک ٹاکر ربیکا خان کا دلچسپ ردعمل سامنے آگیا ہے۔

حال ہی میں ٹک ٹاکر ربیکا خان نے اپنے انسٹاگرام اکاؤنٹ پر ایک ویڈیو پوسٹ کی ہے جسے مداحوں کی جانب سے خوب پسند کیا جارہا ہے۔

شیئر کی گئی ویڈیو میں دیکھا جاسکتا ہے کہ ربیکا خان تیار ہو کر اپنے گھر والوں کو مٹھائی کھلا رہی ہیں اور ویڈیو پر لکھا ہوا ہے کہ ’ کچھ نہیں برو، سدھارتھ ملہوترا کی شادی کی خوشی میں‘۔

ویڈیو کے کیپشن میں ٹک ٹاکر ربیکا خان نے لکھا ہے کہ میرا پیار سدھارتھ ملہوترا کیلئے کبھی کم نہیں ہو گا۔

انہوں نے پوسٹ کے کیپشن میں سدھارتھ ملہوترا اور کیارا کیلئے نیک خواہشات کا اظہار کرتے ہوئے دونوں کو مبارکباد دی ہے۔

یہ بھی پڑھیں: ربیکا خان بھی خود کو میرا دل یہ پکارے آجا گانے پر ڈانس کرنے سے نہ روک سکیں

شیئر کی گئی ویڈیو میں ربیکا خان نے مشرقی لباس زیب تن کیا ہوا تھا جس میں وہ بہت پیاری لگ رہی تھیں۔

گزشتہ دنوں ٹک ٹاکر ربیکا خان نے اپنے انسٹاگرام اکاؤنٹ پر ایک ویڈیو پوسٹ کی تھی۔

شیئر کی گئی ویڈیو میں ربیکا خان بجلی گانے پر ڈانس کر رہی تھیں۔

واضح رہے کہ ربیکا خان پاکستانی اداکار اور کامیڈین کاشف خان کی بیٹی ہیں، جنہوں نے بہت کم وقت میں سامعین سے بے پناہ محبت اور پہچان حاصل کی اور ان کے سوشل میڈیا پر بہت زیادہ مداح ہیں۔