بھارت کی معروف گلوکارہ سواتی مشرا نے کراچی سے تعلق رکھنے والے  لیاری کے رہائشی بلوچی گلوکار کیفی خلیل کا مشہور زمانہ گانا ’ کہانی سنو ‘ گا کر مداحوں کو اپنے سحر میں جکڑ لیا ہے۔

حال ہی میں گلوکارہ سواتی مشرا نے سوشل میڈیا کی فوٹو اینڈ ویڈیو شئیرنگ ایپ انسٹا گرام پر ایک ویڈیو پوسٹ کی جس میں اُن کو کہانی سنو گاتے ہوئے دیکھا جاسکتا ہے۔

ویڈیو میں دیکھا جاسکتا ہے کہ گلوکارہ سواتی مشرا نے کہانی سنو گانے کا فیمیل ورژن گایا ہے جس کو انہوں نے خود ہی کمپوس کیا ہے۔

یہ بھی پڑھیں: کیفی خلیل کے گانے ’کہانی سنو ‘ نے عالمی اعزاز حاصل کرلیا

اس گانے نے سوشل میڈیا پر دھوم مچادی ہے جبکہ صارفین کی جانب سے مختلف تبصروں کا سلسلہ بھی جاری ہے۔

واضح رہے کہ لیاری سے تعلق رکھنے والے کیفی خلیل نے ابتدائی طور پر ’کہانی سنو‘ گانے کو جون 2021 میں ریلیز کیا تھا۔

اس کے بعد کیفی خلیل نے اسی گانے کو نئے انداز میں جون 2022 میں بھی ریلیز کیا جس کو لوگوں کی جانب سے خوب پسند کیا گیا۔

یہ بھی پڑھیں: میں جو بھی لکھتا اور گاتا ہوں وہ دراصل میرے ساتھ ہو چکا ہے، گلوکار کیفی خلیل