اداکار منیب بٹ نے اپنی اہلیہ اداکارہ ایمن خان  کے گھر کا پتہ اور موبائل نمبر انٹرنیٹ پر لیک کرنے پر فیروز خان کے خلاف سائبر کرائم میں شکایت درج کروا رکھی تھی تاہم اب اس معاملے میں نیا موڑ آگیا۔

اب دونوں شوبز کی شخصیات کی جانب سے پہلے ایک تصویر شیئر کی گئی جس میں ایک جانب فیروز خان اور دوسری جانب منیب بٹ موجود ہیں اور درمیان میں صلح کرانے والے صاحب زادہ سلطان موجود ہیں۔

اس تصویر کے علاوہ فیروز خان نے ایک بیان جاری کیا جس میں انہوں نے لکھا کہ 17 جنوری کو میری پرانی لیگل ٹیم نے ایک لیگل نوٹس جو ڈرافٹ کیا وہ میں نے اپنے انسٹاگرام اکاونٹ پر پوسٹ کردیا۔

یہ بھی پڑھیں: فیروز خان سے صلح کا معاملہ؛ ایمن اور منال نے بھی بیان شیئر کردیا

میں نے اس ڈرافٹ کو پوسٹ کرنے سے قبل یہ نہیں نوٹس کیا کہ اس پر جن کو نوٹس بھیجا گیا ان کی ذاتی معلومات بھی موجود ہیں۔ جیسے ہی مجھے اس بات کا احساس ہوا میں نے چند ہی منٹوں میں اس پوسٹ کو ڈیلٹ کردیا۔ لیکن اس کی وجہ سے میرے لوکیگز کی پرائیوسی کو نقصان پہنچا ۔ بحثیت اداکار میں جانتا ہوں کہ پرائیوسی کی کیا اہمیت ہے ۔ میرا یہ ارادہ بالکل بھی نہیں تھا۔ کہ میں میرےکولیگز اس کی وجہ سے ڈسٹرب ہو، میں اس بات کی دل کی گہرائی سے معافی مانگتا ہوں۔

منیب بٹ نے بھی وضاحتی معافی نامہ اپنے انسٹاگرام اکاونٹ پر شیئر کیا۔

جس میں انہوں نے لکھا کہ میں منیب بٹ اور میری فمیلی ایک بہت تکلیف اور ذہنی پریشانی سے گزری جو کہ فیروز خان کی غلطی کی وجہ سے ہوا۔

انہوں نے لکھا کہ میں نے فیروز خان کے خلاف جوبھی بیانات دیئے وہ میں واپس لیتا ہوں۔ فیروز خان اور سیدہ علیزے کا کیس عدالت میں زیر سماعت ہے ہمیں عدالتی نظام ہر بھرپور بھروسہ ہے۔ یہ ان کا ذاتی معاملہ ہے ہمیں جس کا احترام کرنا چاہیے۔ اور بلا ضرورت تبصروں سے اجتناب کرنا چاہیے ۔

دونوں شخصیات کی صلح پر فیروز اور منیب کے مداح اس بات کو سراہتے ہوئے کومنٹس کر رہے ہیں۔