پاکستان شوبز انڈسٹری کی مشہور و معروف اداکارہ علیزے شاہ کی طبیعت ناساز ہوگئی جس کے باعث اُنہیں اسپتال منتقل کیا گیا ہے۔

حال ہی میں اداکارہ علیزے شاہ نے سوشل میڈیا کی فوٹو اینڈ ویڈیو شئیرنگ ایپ انسٹا گرام اسٹوری پر ایک تصویر شیئر کی جس میں ان کو اسپتال کے بیڈ پر لیٹا ہوا دیکھا جاسکتا ہے۔

ایک اور اسٹوری میں انہوں نے بتایا کہ وہ فوڈ پوائیزنگ کا شکار ہوچُکی ہیں جبکہ اداکارہ نے مداحوں سے صحتیابی کے لئے دعاؤں کی اپیل بھی کی۔

واضح رہے کہ علیزے شاہ نے ڈرامہ سیریل ’عہدِ وفا‘، ’میرا دل میرا دشمن‘ اور کئی مشہور ڈراموں میں اپنی اداکاری کے جوہر دکھائے۔