ڈرامہ سیریل ’پیارے افضل‘ سے شہرت حاصل کرنے والی جوڑی  کے مداحوں کیلئے بڑی خوشخبری آگئی ہے۔

حال ہی میں پاکستان کی معروف اداکارہ عائزہ خان نے اپنے انسٹاگرام اکاؤنٹ پر ڈرامہ سیریل ’جان جہاں‘کا حصہ ہونے کا اعلان کرتے ہوئے لکھا ہے کہ ’اپنے نئے پروجیکٹ ’جان جہاں‘ کا اعلان کرتے ہوئے بہت پرجوش ہوں ‘۔

  انہوں نے لکھا کہ ’ پیارے افضل کے 10 سال بعد ایک بار پھر حمزہ علی عباسی کے ساتھ کام کرنے کا موقع مل رہا ہے ‘۔

یہ بھی پڑھیں: عائزہ خان کا بلیک ڈریس میں ’بے باک‘ شوٹ، ویڈیو وائرل

عائزہ خان نے لکھا کہ ’ ایک بار پھر اپنے پسندیدہ ساتھی فنکار کے ساتھ کام کرنے کے لیے بہت پرجوش ہوں‘۔

واضح رہے کہ گزشتہ دنوں اداکار حمزہ علی عباسی کی ڈرامہ سیریل ’جان جہاں‘ سے ٹی وی اسکرین پر واپسی کے اعلان کے ساتھ ہی ان کی ہیروین کون ہوگی، کے حوالے سے قیاس آرائیاں کی جا رہی تھیں۔

تاہم عائزہ خان نے اس کا جواب اپنے انسٹاگرام اکاؤنٹ پر ویڈیو پوسٹ کر کے دیدیا ہے۔