پاکستان ٹیلی ویژن کا ریئلٹی شو’تماشا’ سیزن 2 کا پرومو منظرعام پر آگیا ہے۔

حال ہی میں معروف اداکار اور میزبان عدنان صدیقی نے سوشل میڈیا کی سے فوٹو اینڈ ویڈیو شیئرنگ ایپ انسٹاگرام پر ایک ویڈیو شیئر کی جس نے لوگوں کو تجسس میں مبتلا کردیا ہے۔

شیئر کی گئی ویڈیو میں عدنان صدیقی کی ڈرامائی انٹری کے ساتھ یہ ظاہر ہوتا ہے کہ  وہ ایک بار پھر شو کی میزبانی کریں گے۔

اداکار نے عوام میں تجسُس برقرار رکھنے کیلئے ویڈیو کے کیپشن میں لکھا کہ ’اٹھو بیٹا، آنکھیں کھولو۔ یہ وقت ڈرامے، مقابلے اور غیر اسکرپٹڈ لمحات کی دنیا میں قدم رکھنے ہے۔ کون چوٹی پر چڑھے گا، کون دباؤ میں ریزہ ریزہ ہوگا اور کون دیکھنے والوں کے دل موہ لے گا’۔

اداکار نے مداحوں کو مخاطب کرتے ہوئے  بتایا کہ رئیلٹی شو کے لیے تیار ہو جائیں کیونکہ پاکستان کا سب سے بڑا ریئلٹی شو تماشا ایک اور سیزن کے ساتھ واپس آ گیا ہے۔

 واضح رہے کہ تماشا سیزن 1 کی میزبانی بھی عدنان صدیقی نے کی تھی جبکہ کئی نئے ناموں نے ریئلٹی شو میں شرکت کے بعد شہرت حاصل کی۔