بالی ووڈ اسٹار انوشکا شرما بھارتی کرکٹر ویرات کوہلی ، جن کی شادی سال 2017 میں ہوئی تھی، ایک خوبصورت ویڈیو میں لندن کے موسم سے لطف اندوز ہوتے ہوئے نظر آئے ہیں۔

اداکارہ انوشکا شرما نے، جو حال ہی میں لندن میں تھیں، اپنے انسٹاگرام اکاؤنٹ پر ایک کلپ شیئر کیا جس میں ان کے شوہر کرکٹر ویرات کوہلی بھی شامل ہیں۔

ویڈیو میں اداکارہ کو ان کے شوہر ویرات اور ان کی بیٹی وامیکا کوہلی کے ساتھ اچھا وقت گزارتے ہوئے دیکھا جاسکتا ہے۔

ویڈیو میں اداکارہ کو لندن کی سڑکوں پر موج مستی کرتے ہوئے دیکھا جاسکتا ہے جبکہ انہوں نے سفید ٹی شرٹ، ڈینم جیکٹ اور پینٹس پہنی ہوئی تھی اور ساتھ ہی ایک بڑا اسٹائلش بیگ بھی لیا ہوا تھا۔

اداکارہ کی پوسٹس سے اندازہ لگایا جاسکتا ہے کہ وہ اپنے لندن میں گزارے جانے والے دنوں کو شدت سے یاد کرہی ہیں۔

خیال رہے کہ انوشکا اگلی بار آنے والی اسپورٹس بائیوپک فلم چکدا ایکسپریس میں نظر آئیں گی جو سابق کرکٹر جھولن گوسوامی کی زندگی پر مبنی ہے۔ یہ فلم نیٹ فلکس پر دکھائی جائے گی۔ فلم کی ریلیز کی حتمی تاریخ کا ابھی انتظار ہے۔ اداکار اپنے کیریئر میں پہلی بار کرکٹر کا کردار ادا کریں گے۔ انوشکا کے بھائی کرنیش شرما اپنی ہوم پروڈکشن کمپنی کلین سلیٹ فلمز کے ساتھ مل کر چکدا ایکسپریس تیار کریں گے۔