پاکستان کی معروف میزبان متھیرا نے خواتین سے غیر مناسب سوالات کرنے پر یوٹیوبر نادر علی کو کھری کھری سنائی ہیں۔

  حال ہی میں پاکستان کی معروف میزبان متھیرا نے بول انٹرٹینمنٹ کے پروگرام دی انسٹا شو ود متھیرا میں مہمان یوٹیوبر مبین الحق سے گفتگو کرتے ہوئے مختلف یوٹیوبرز کے پوڈکاسٹ سے متعلق رائے جاننی چاہی۔

 مہمان یوٹیوبر مبین الحق نے یوٹیوبر نادر علی کے پوڈ کاسٹ سے متعلق بات کرتے ہوئے کہا کہ ٹھیک ہے، مجھے لگتا ہے کہ نادر علی اخلاقیات کے بارے میں جانتا ہے، وہ جانتا ہے کہ وہ غلط ہے لیکن پھر بھی وہ ویوز اور ریٹنگ کی خاطر متنازع مواد کو جانے دیتا ہے۔

متھیرا نے کہا کہ اس حوالے سے انہوں نے خود تجربہ کیا ہے، انہوں نے نادر علی کے پروگرام میں بطور مہمان شرکت کی تھی، جس کا تجربہ اچھا نہیں رہا، غیر مناسب سوالات کی وجہ سے بار بار ری ٹیک لینے پڑے۔

انہوں نے کہا کہ نادر علی کو عموماً خواتین پر اعتراض ہوتا ہے، وہ خواتین کے حوالے سے غلط سوالات کرکے انہیں نیچا دیکھانے کی کوشش کرتا ہے۔

متھیرا نے کہا کہ وہ خواتین کو مناسب عزت بھی نہیں دیتا جبکہ اس کے برعکس انہوں نے تابش ہاشمی کی تعریف کی اور کہا کہ وہ آئے اور چھا گئے۔

میزبان تابش ہاشمی کے حوالے سے متھیرا کی رائے سے ان کے مہمان یوٹیوبر مبین الحق نے بھی اتفاق کیا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/07/655530/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/07/655530/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں