پاکستان شوبز انڈسٹری کے مشہور و معروف اداکار عدنان صدیقی نے کہا ہے کہ پاکستانی سامعین کی برداشت بھارتیوں سے زیادہ ہے۔

حال ہی میں بھارتی میڈیا کو اپنے دیے گئے ایک انٹرویو میں اداکار عدنان صدیقی نے بالی ووڈ فلم موم کے حوالے سے گفتگو کرتے ہوئے کہا کہ اس فلم کی شوٹنگ کے دوران دوران پاکستان اور بھارت میں کشیدگی بڑھنے لگی، پاکستانی سامعین کی برداشت بھارتیوں سے زیادہ ہے۔

انہوں نے موم فلم کی عکس بندی کے دوران پیش آنے والے تجربات کے حوالے سے بتایا کہ 2017 میں وہ فلم کی شوٹنگ میں مصروف تھے۔ فلم کے پروڈیوسر بونی کپو کو انہوں نے بتایا کہ وہ پرانے دہلی میں کچھ کھانا کھانا چاہتے ہیں تو فلم کے پروڈیوسر نے کہا کہ آپ کو سیکیورٹی میں جانا چاہیے کیونکہ لوگ پہچان لیں گے۔

ان کا کہنا تھا کہ میں نے سوچا کہ کون مجھے یہاں پہچانے گا، تو میں اسی جگہ پہنچا، میں حیران رہ گیا کہ لوگ مجھے وہاں پہچانتے تھے اور میرے کام کی تعریف بھی کرنے لگے تھے۔

اداکار کے مطابق انہوں نے بونی کپور کو فون کیا کہ یہاں سیکیورٹی بھیجیں۔ انہوں نے کہا کہ میں ہمیشہ کہتا ہوں کہ ہمارے ٹی وی ڈرامے بالی ووڈ فلموں کی مانند پسند کیے جاتے ہیں۔

انہوں نے بتایا کہ بونی کپور نے ان کو انٹرویو نہ دینے کا کہا، ایسا نہیں ہونا چاہیے کیونکہ یہ ذمہ داری سیاسی جماعتوں اور حکومت کو ادا کرنی چاہیے کہ جہاں کہیں بھی فن سے متعلق کوئی پیش رفت ہو تو دونوں جانب نرمی کا مظاہرہ کیا جائے۔

ان کا مزید کہنا تھا کہ جب پاک بھارت کشیدگی بڑھی اسی دوران انہیں نواز الدین صدیقی کے مینجر کی جانب سے رابطہ کیا گیا۔ انہوں نے کسی کام کی آفر کے حوالے سے مجھ سے رابطہ کیا لیکن ایسا ممکن نہ ہوسکا۔ جس میں مجھے کوئی افسوس نہیں ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/07/898165/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/07/898165/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں