بالی ووڈ فلم انڈسٹری کی مشہور و معروف اداکارہ امیشا پٹیل اور عرفی جاوید میں لفظی جنگ چھڑ گئی ہے۔

اداکارہ امیشا پٹیل کو او ٹی ٹی پلیٹ فارموں پر تنقید کے بعد سوشل میڈیا پر شدید ٹرولنگ کا سامنا ہے اور اب عرفی جاوید کا ردعمل بھی سامنے آگیا ہے۔

امیشا پٹیل نے ڈیجیٹل پلیٹ فارموں کے متعلق ایک انٹرویو میں کہا تھا کہ او ٹی ٹی کا مواد ہم جنس پرستی اور متنازع موضوعات پر مبنی ہے جسے گھر میں فیملی کے ساتھ نہیں دیکھا جاسکتا ہے۔

ان کا کہنا تھا کہ لوگ اچھے اور صاف ستھری سینما کے منتظر ہیں جہاں ایک پوتا اور پوتی اپنے دادا دادی کے ساتھ بیٹھ کر فلم دیکھ سکے لیکن او ٹی ٹی پر ایسی فلمیں اور سیریز بنائی جارہی ہیں جو کوئی اپنے بچوں کو دکھانا پسند نہیں کرے گا۔

عرفی جاوید نے انسٹاگرام پر اداکارہ کی تصویر کے ساتھ اسٹوری میں لکھا کہ “جب عوامی لوگ بغیر تحقیق حساس موضوعات پر گفتگو کرتے ہیں تو انہیں بہت غصہ آتا ہے”۔

انہوں نے امیشا کو براہ راست نشانہ بناتے ہوئے لکھا کہ “انڈسٹری میں 25 برس تک کام نہ ملنے نے اداکارہ کو ایک کڑوی شخصیت بنادیا ہے”۔

خیال رہے کہ امیشا پٹیل فلم ’غدر‘  کے سیکوئیل کے ساتھ دوبارہ بڑے پردے پر واپس آرہی ہیں جسے رواں برس 11 اگست کو ریلیز کیا جائے گا۔