ثانیہ سعید پاکستانی ڈرامہ انڈسٹری کی ایک بے حد مقبول، خوبصورت اور باصلاحیت اداکارہ ہیں جنہوں نے اپنی بہترین اداکاری سے ہر کردار میں اپنے آپ کو منوایا۔ ثانیہ کسی بھی کردار کو اس طرح ادا کرتی ہیں کہ انہیں دیکھ کر حقیقت کا گماں ہونے لگتا ہے۔

آہٹ اور ایک تھی مہرو میں اپنے لازوال کردار ادا کرنے والی ثانیہ جب بھی ڈرامے میں نظر آتی ہی ہیں اپنی اداکاری سے سب کے دلوں کو موہ لیتی ہیں۔ کملی، سنگ ماہ جیسے پروجیکٹس میں جلوہ گر ہوچکی ہیں اور ان کے مداح اب انہیں شناس میں دیکھ رہے ہیں۔ ثانیہ سعید ایک بے حد نرم دل رکھنے والی انسان دوست شخصیت کی مالک ہیں یہی وجہ ہے کہ ان میں حد درجہ عاجزی موجود ہے۔

ثانیہ سعید نے گزشتہ دنوں ملیحہ رحمان کو دیئے جانے والے ایک انٹرویو میں زندگی اور کام کے حوالے سے اپنے خیالات کا اظہار کیا۔

ثانیہ سعید سے جب میزبان نے انڈسٹری میں ان کے پسندیدہ اداکاروں کے بارے میں دریافت کیا توانہوں نے خواتین اداکاراؤں میں سجل علی کا نام لیا اور کہا کہ وہ سب سے ذہین اداکارہ ہیں، سجل علی کی جذباتی ذہانت کمال کی ہے اور وہ ان کی  پرفارمنس سے بہت محظوظ ہوتی ہیں۔

ثانیہ سعید نے نعمان اعجاز کے ساتھ اپنے طویل سفر کے بارے میں بھی بات کی اور کہا کہ انہوں نے نعمان کے ساتھ سب سے زیادہ کام کیا ہے وہ ہمیشہ ہی ان کے ساتھ کام کرنا پسند کرتی ہیں۔ اگرچہ ان دونوں کی زندگیاں اور خیالات ایک دوسرے بہت مختلف ہے، پھر بھی وہ ان کا بہت احترام کرتی ہے۔

تاہم ان کے پسندیدہ مرد ساتھی اداکار فیصل رحمان ہیں۔ ان کا کہنا ہے کہ انہیں فیصل کے ساتھ کام کر کے بہت مزہ آتا ہے ان کے کام کرنے کا عمل بہت سادہ ہے۔ ثانیہ نے فیصل کے ساتھ خاموشیاں اور زرد موسم اور ایک ٹیلی فلم کا بھی ذکر جس میں انہیں فیصل کے ساتھ کام کر کے بہت اچھا لگا۔ ساتھ ہی انہوں نے ہمایوں سعید کا بھی ذکر کیا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/08/501386/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/08/501386/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں