عمران اشرف پاکستان کے ایک نہایت مقبول اور باصلاحیت اداکارہیں جنہوں نے کئی سپر ہٹ ڈراموں میں بہترین اداکاری کے جوہر دکھائے، ان کے مشہور ڈراموں میں بوٹا فرام ٹوبہ ٹیک سنگھ، ندامت، باندی، کالا جادو، میرے مہربان، رنگ باز، آبرو، دل لگی، تعبیر اور رانجھا رانجھا کردی شامل ہیں۔ واضح رہے کہ ان کو  رانجھا رانجھا کردی میں بہترین اداکار کے ایوارڈ سے نوازا گیا۔

عمران اشرف اداکاری کے ساتھ اب میزبانی کے میدان میں قدم رکھ رہیں ہیں اوراب وہ ایک نجی شو میں میزبانی کے فرائض انجام دے رہے ہیں، انہوں نے اپنے شو میں کئی بڑی اور مشہور شخصیات کو مدعو کیا ہے تاہم ناظرین کی اس بارے میں ملی جلی رائے ہے کہ وہ بطور میزبان کیسی کارکردگی کا مظاہرہ کر رہے ہیں۔ عمران نے اپنے آپ کو یقینی طور پر ایک بہترین اداکار کے طور پر تو منوایا ہے لیکن میزبانی ایک مختلف کام ہے۔

حال ہی میں عمران اشرف نے عثمان مختارکو اپنے شو میں بطور مہمان مدعو کیا اور انہوں نے عثمان سے بہت سے سوالات کیے  کہ وہ اپنے اسکرپٹ کا انتخاب کیسے کرتے ہیں، انڈسٹری میں اقربا پروری ہے یا نہیں۔ عثمان مختار تجربہ کار فلمی اداکارہ ناصرہ کے بیٹے ہیں حالانکہ انہوں نے اپنے آپ کو ایک بہترین اداکارکے طور پر منوایا ہے اور انڈسٹری میں ایک خاص جگہ بنائی اور بہت ہی کم لوگ جانتے کہ وہ ایک اسٹار کے بیٹے ہیں۔

عمران نے عثمان سے پاکستانی انٹرٹینمنٹ انڈسٹری میں اقربا پروری کے بارے میں سوال کیا تو عثمان نے کہا کہ ان کے خیال میں انڈسٹری میں صرف 10 فیصد اقربا پروری ہے لیکن عمران اقربا پروری کی بحث کو آگے بڑھاتے رہے۔

عوام کا خیال ہے کہ عمران کا رویہ عثمان کے ساتھ انتہائی بدتمیزی والا تھااور انہوں نے نہایت غیر مہذب انداز میں ان سے سوالات کیے جبکہ عثمان نے ان کے تمام سوالوں کے جوابات مۃذب انداز میں دیئے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/09/500611/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/09/500611/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں