اپنے پہلے آڈیشن میں ناکام ہوگئی تھی، اقرا عزیز
اقرا عزیز کا شمارپاکستانی ڈرامہ انڈسٹری کی صف اول کی اداکاراؤں میں ہوتا ہے۔ وہ نہایت خوبصورت اور انتہائی باصلاحیت اداکارہ ہیں، اقرا عزیز کئی سپر ہٹ ڈراموں میں جلوہ گر ہوچکی ہیں جن میں رانجھا رانجھا کردی، رقیب سے، خدا اور محبت 3 اور سنو چندا شامل ہیں۔
اقرا عزیز کی شادی پاکستان ٹیلی ویژن کے مشہور اداکار اور ہدایت کار یاسر حسین سے ہوئی ہے جبکہ اس خوبصورت اس جوڑے کا ایک پیارا سا بیٹا بھی جس کا نام کبیر ہے۔ اقرا اپنی بہترین اداکاری کی صلاحیت کی وجہ سے کامیابی کی بلندیوں کو چھو رہی ہے اور انڈسٹری میں ان کے کام کو ہر مقام پر تسلیم کیا جاتا ہے۔
اقرا عزیز کو حال ہی میں نجی ٹی وی کے ایک شو میں بطور مہمان مدعوکیا گیا جہاں انہوں نے اپنی ذاتی اور پیشہ ورانہ زندگی کے کئی رازوں پر سے پردہ اٹھایا۔ شو کے دوران حاضرین میں سے کسی نے سوال کیا کہ کیا آپ کو اپنے پہلے آڈیشن کی لائنز یاد ہیں۔
اقرا عزیز نے کہا کہ انہیں اپنا پہلا آڈیشن یاد ہے یہ اس وقت کی بات جب وہ محض 14 برس کی تھی اور ایک ٹی وی کمرشل کے لیے آڈیشن دینے کے لیے گئی تھی لیکن انہوں نے اپنے پہلے ڈرامے سے قبل ایک آڈیشن دیا تھا لیکن وہ اچھا نہیں ہوا اور اقرا اس کے لیے سلیکٹ نہیں ہو پائی تھی، کیونکہ وہ آڈیشن دیتے وقت لوگوں کے سامنے گھبرا جاتی ہیں لیکن کیمرے کی سامنے بہت اچھا پرفارم کر لیتی ہیں۔
اقرا نے مزید انکشاف کیا کہ ایک اداکارہ جو ان کی دوست بھی ہے نے انہیں پہلے آڈیشن میں ہی ان کو ہرا دیا اور وہ کوئی اور نہیں بلکہ حنا الطاف ہیں۔ حنا بھی اب اپنے کیرئیر میں کامیاب ہیں اور اقرا بھی ایک مشہور اسٹار بننے میں کامیاب ہوگئیں ہیں۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/09/692718/amp/ کو لائک کریں
ٹوئٹر پر ہمیں فولو کریں https://www.bolnews.com/urdu/entertainment/2023/09/692718/amp/ اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News