ویڈیو: فلم ’ٹائیگر 3‘ کا پہلا گانا آتے ہی چھا گیا
بالی وڈ کے سپراسٹار سلمان خان اور کترینہ کیف نے اپنی نئی فلم ’ٹائیگر 3 ‘ کے پہلے گانے کی ویڈیو جاری کر دی ہے۔
سلمان خان نے اپنے انسٹا گرام پر اس گانے ’لے کے پربھو کانام‘ کی ویڈیو شیئر کرتے ہوئے کیپشن میں لکھا کہ ’انہیں امید ہے کہ سب کو یہ گانا پسند آئے گا‘۔
یہ گانا عالمی شہرت یافتہ بھارتی گلوکار اریجیت سنگھ نے سلمان خان کے لئے گایا ہے۔
فلم ’ٹائیگر 3‘ دیوالی کے موقع پر 12 نومبر کو ہندی، تامل اور تیلگو زبان میں دنیا بھر میں ریلیز کی جائے گی۔
اس میگا ایکشن اور تھرلر فلم میں سُپر اسٹار سلمان خان اور کترینہ کیف مرکزی کرداروں جبکہ عمران ہاشمی پہلی بار منفی کردار میں نظر آئیں گے۔
بھارتی میڈیا کے مطابق سلمان خان نے ایک دہائی کے بعد پہلی مرتبہ گلوکار اریجیت سنگھ کی آواز میں ریکارڈ کیا گیا گانا اپنی فلم میں شامل کیا ہے۔
اریجیت سنگھ اور سلمان خان کا جھگڑا 2014 میں ایک ایوارڈ شو کی تقریب کے دوران ہوا تھا، اس جھگڑے کے بعد سلمان خان نے اپنی فلم ’کک‘، ’بجرنگی بھائی جان‘ اور ’سلطان‘ سے گلوکار کے تمام گانے ہٹا دئیے تھے۔
2016 میں ارجیت سنگھ نے سلمان خان سے معافی مانگ کر فلم ’سلطان‘ میں اُن کا گانا برقرار رکھنے کی درخواست کی تھی لیکن سلمان خان نے گلوکار کی معافی پر کوئی جواب نہیں دیا تھا۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/10/736387/amp/ کو لائک کریں
ٹوئٹر پر ہمیں فالو کریں https://www.bolnews.com/urdu/entertainment/2023/10/736387/amp/ اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News