پاکستان کی ایوارڈ یافتہ ہارر فلم ’ان فلیمز‘ آسکر ایوارڈ 2024 کی دوڑ سے باہر ہوگئی ہے۔

اس حوالے سے جاری رپورٹس کے مطابق آسکر 2024 کے لئے شارٹ لسٹ کی گئی فلموں کا اعلان کیا جاچکا ہے جس میں گریٹا گیروِگ کی فلم باربی سب سے آگے ہے۔

اس کے علاوہ بین الاقوامی فیچر کیٹیگری میں شارٹ لسٹ ہونے والی فلموں میں بھوٹان کی ‘دی مونک اینڈ دی گن’، یوکرین کی ’20 ڈیز ان ماریوپول’ اور آرمینیا کی ‘امریکاتسی’ شامل ہیں۔

خیال رہے کہ ان فلیمز، حال ہی میں ریڈ سی انٹرنیشنل فلم فیسٹیول میں نمائش کے لیے پیش کی گئی تھی، جسے ضرار خان نے ڈائریکٹ کیا تھا اور اس کا پریمیئر سال کے آغاز میں کانز ڈائریکٹرز فورٹ نائٹ میں ہوا تھا۔

اسے 96 ویں اکیڈمی ایوارڈز کے لیے پاکستان کی جانب سے جمع کرانے کے لیے منتخب کیا گیا تھا جس کی صدارت فلمساز محمد علی نقوی نے کی تھی۔

اس فلم کی مرکزی کاسٹ میں رمیشا ناول، بختاور مظہر، عدنان شاہ ٹیپو اور عمیر جاوید شامل ہیں۔

فلم کی کہانی ایک ماں اور بیٹی کے گرد گھومتی ہے اور اس میں پدرسری اقدار کیخلاف خواتین کے حقوق کے موضوعات کا احاطہ کیا گیا ہے۔