عامر خان کی بیٹی ایرا خان رشتہ ازدواج میں منسلک
بالی ووڈ کے معروف اداکار عامر خان اور رینا دتہ کی بیٹی ایرا خان 3 جنوری کو فٹنس ٹرینر نوپور شیکھارے کے ساتھ رشتہ ازدواج میں منسلک ہوگئیں ہیں۔
غیر ملکی خبر رساں ادارے کی رپورٹ کے مطابق ایرا خان اور نوپور شیکھارے نے ممبئی میں تاج اینڈز میں 2 سے 4 بجے کے درمیان اپنی شادی رجسٹر کی جبکہ شادی سے پہلے کی تقریبات 2 جنوری کو شروع ہوئیں تھیں۔
شادی کی تمام تر رسومات کے بعد جوڑا ادے پور کے لئے روانہ ہوگیا ہے، جہاں وہ شاندار انداز میں شادی کی ایک اور تقریب کا منصوبہ رکھتے ہیں جو کہ 8 جنوری کو ہو گا۔
ایرا اور نوپور کی ادے پور کی شادی کے بعد 13 جنوری کو ممبئی میں ایک شاندار استقبالیہ دیا جائے گا جس میں بالی ووڈ کی تمام جانی مانی شخصیات کو مدعو کیا گیا ہے۔
ایرا اور نوپور کی شادی کی کچھ ویڈیوز سوشل میڈیا پر کافی وائرل ہورہی ہیں جس میں دلہے کی انٹری کافی چرچا کا باعث بنی ہوئی ہے کیونکہ انہوں نے 8 کلومیٹر کا فاصلہ بھاگتے ہوئے طے کیا۔
ان کی شادی کی ایک اور ویڈیو سوشل میڈیا پر کافی وائرل ہورہی ہے جب ایرا نے اسٹیج پر جا کر مائیک لیا اور اعلان کیا کہ نوپور پہلے جا کر نہائیں گے جس پر شرکاء نے شور مچایا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News