بالی ووڈ کے مسٹر پرفیکٹ عامر خان کی بیٹی آئرا خان کے ولیمہ تقریب کی تصاویر سوشل میڈیا پر خوب پسند کی جا رہی ہیں۔

نوپور شیکھارے نے انسٹا گرام پر ولیمے کی ایک دلکش تصویر پوسٹ کی، جس میں یہ جوڑا مزاحیہ پوز میں خوشگوار موڈ میں نظر آرہا ہے۔

تصویر شیئر کرتے ہوئے نوپور شیکھارے نے آئرا خان کو ٹیگ کیا اور کہا کہ ‘میں تو واقعی بڑی شدت سے آپ سے شادی کرنا چاہتا تھا۔

حال ہی میں عامر خان کی بیٹی آئرا خان اور فٹنس ٹرینر نوپور شکھارے کے ولیمے میں بھارت کی معروف شخصیات سمیت بالی وڈ کے متعدد اسٹارز نے شرکت کرکے تقریب کو چار چاند لگادئیے۔

آئرا خان نے اپنے ولیمے پر سرخ لہنگا چولی پہنی جبکہ نوپور شکھارے سیاہ شیروانی پہہنے نظر آئے۔

اس تقریب میں شاہ رخ خان نے سیاہ سوٹ پہن کر اپنی اہلیہ گوری خان کے ساتھ شرکت کی جنہوں نے مرون دلکش جوڑا پہن رکھا تھا۔

سلمان خان کی روایتی انداز میں دھماکے دار انٹری ہوئی جب وہ تنِ تنہا اپنے منفرد اسٹائل میں چلتے ہوئے تقریب میں شامل ہوئے۔

آئرا خان اور نوپور شکھارے نے 3 جنوری ممبئی میں منعقدہ تقریب میں شادی کے قانونی کاغذات پر دستخط کیے اور پھر یہ جوڑی اپنے عزیز و اقارب کے ساتھ بھارتی ریاست راجھستان کے شہر ادےپور چلی گئی جہاں مہندی، پاجامہ پارٹی، سنگیت سمیت تقاریب کا انعقاد کیا گیا جبکہ 13 جنوری کو اس جوڑی نے مسیحی انداز میں شادی کی۔