بالی ووڈ کے سپر اسٹار شاہ رخ خان، جو کہ کنگ خان یا ایس آر کے کے نام سے جانے جاتے ہیں، نہ صرف اسکرین پر ناظرین کو مسحور کرتے ہیں بلکہ سوشل میڈیا پر بھی ان کی بڑی فین فالوونگ ہے۔

حیرت انگیز طور پر انسٹاگرام پر بالی ووڈ کے کنگ کے 46.6 ملین جبکہ ایکس پر 44 ملین، اور فیس بک پر 43 ملین فالوورز ہیںلیکن، کیا آپ جانتے ہیں کہ ایس آر کے اپنے فوٹو شیئرنگ پلیٹ فارم پر صرف ‘چھ’ لوگوں کی فیڈ چیک کرتے ہیں؟

  سپر اسٹار ایکس پر 74 ممتاز شخصیات کو فالو کرتے ہیں اور ان کا انسٹاگرام صرف 6 لوگوں کے لیے مخصوص ہے۔

اس منتخب فہرست میں ان کے خاندان کے افراد شامل ہیں جس میں ان کی اہلیہ گوری خان، بیٹا آریان خان، بیٹی سہانا خان، اور بھتیجی عالیہ چھیبا شامل ہیں جبکہ قریبی دوست کاجل آنند اور ان کی منیجر پوجا ددلانی بھی اس فہرست کا حصہ ہیں۔

اس کے علاوہ وہ اپنے قریبی دوستوں جیسے سلمان خان، کاجول یا کسی فلمساز کو بھی فالو نہیں کرتے۔

اگرچہ شاہ رخ خان سوشل میڈیا کے استعمال کے زیادہ شوقین نہیں ہیں، لیکن کبھی کبھار ان کی پوسٹس صارفین کی توجہ حاصل کر لیتی ہیں، جو اکثر انٹرنیٹ پر دھوم مچاتی ہیں۔