بالی ووڈ کے اُبھرتے ہوئے اداکار کارتک آریان نے ساتھی اداکارہ سری لیلا کے ساتھ تعلقات کی خبروں پر اپنا ردعمل دے دیا۔

بھارتی میڈیا رپورٹ کے مطابق کارتک آریان نے اپنے ایک حالیہ انٹرویو میں انکشاف کیا ہے کہ میں فی الحال سنگل ہوں اور کسی کو ڈیٹ نہیں کر رہا۔

اداکار نے کہا کہ ماضی میں میری ڈیٹنگ لائف کے بارے میں بہت سی قیاس آرائیاں کی جاتی تھیں، کچھ سچ تھیں اور کچھ نہیں تھیں۔

انہوں ںے کہا کہ اس وقت اداکاراؤں کے ساتھ مجھے رومانوی طور پر جوڑنا میرے لیے نیا تھا اور میں اس پر زیادہ توجہ نہیں دیتا تھا۔

کارتک آریان نے مزید کہا کہ میڈیا اکثر ایک ہی تصویر سے کہانیاں بنا دیتا تھا، یہاں تک کہ اگر میں صرف کسی سے ملتا تھا تو مجھے اس کے ساتھ بھی جوڑ دیتے تھے۔