پاکستان کے مشہور یوٹیوبر ڈکی بھائی (سعد الرحمان) ایک بار پھر خبروں کی زینت بن گئے، انہوں نے سستی شہرت میں سب کو پیچھے چھوڑ دیا۔

حال ہی میں ڈکی بھائی نے فوٹو اینڈ ویڈیو شیئرنگ ایپ انسٹاگرام پر ایک ویڈیو شیئر کی ہے، جس نے ان کے لاکھوں فالوورز کو چونکا کر رکھ دیا ہے۔

ویڈیو میں دیکھا جاسکتا ہے کہ ان کی آنکھیں بند ہیں، چہرہ سکون میں ہے اور دونوں پاؤں اسٹیئرنگ پر ٹکے ہوئے ہیں، جیسے خواب میں کوئی نئی ویڈیو ایڈیٹ کر رہے ہوں۔

ڈکی بھائی کی یہ ویڈیو سوشل میڈیا پر وائرل ہو گئی ہے اور صارفین کی جانب سے اس پر شدید تنقید بھی کی جا رہی ہے۔

سوشل میڈیا صارفین یوٹیوبر ڈکی بھائی کے اس اقدام کو غیر ذمے دارانہ قرار دیتے ہوئے ان کی گرفتاری کا مطالبہ کرتے نظر آ رہے ہیں۔

صارفین کا خیال ہے کہ اگر یہ صرف کانٹینٹ ہے تو مذاق اپنی جگہ لیکن سڑک پر ایسے اسٹنٹس حقیقی زندگی میں قیمتی جانوں کو خطرے میں ڈال سکتے ہیں۔