پاکستان میں کرونا وائرس کا پانچواں کیس سامنے آ گیا ۔خطرناک وائرس سے متاثرہ شخص کا تعلق وفاق کے زیر انتظام علاقے سے ہے۔

معاون خصوصی برائے صحت ڈاکٹر ظفر مرزا نے پاکستان میں پانچویں کرونا کیس کی تصدیق کردی، انہوں نے بتایا ہے کہ پانچویں مریض کا تعلق وفاقی علاقے سے ہے جس کی حالت خطرے سے باہر ہے۔

نیشنل انسٹی ٹیوٹ آف ہیلتھ اسلام آباد کے مطابق گلگت کی رہائشی 45 سال کی خاتون میں کرونا وائرس پایا گیا ہے، خاتون چند دن قبل ایران سے آئی تھی، خاتون کے اہلخانہ کے بھی کرونا وائرس کے متعلق ٹیسٹ کیے جا رہے ہیں۔

234/ We have now 5th confirmed case of #COVID19 in federal areas. Patient is stable and is being managed well. I request the media to respect the privacy of the patient and the family.

Advertisement

— Zafar Mirza (@zfrmrza) March 3, 2020

دوسری جانب کرونا وائرس کے خطرے کے پیش نظر گلگت بلتستان کے تمام تعلیمی ادارے 6 مارچ تک بند کرنے کا نوٹیفکیشن جاری کردیا ہے۔

واضح رہے کہ اس قبل پاکستان میں کرونا وائرس کے 4 کیس سامنے آئے تھے جن میں دو کا تعلق کراچی اور دو کا وفاق سے تھا۔

چین سے نکلنے والا کرونا وائرس 75 ملکوں تک پہنچ گیا جس سے دنیا بھر میں تقریبا 3 ہزار افراد جان کی بازی ہار گئے۔