پاکستان میں تو گڑ گنے کے تازہ رس کو اچھی طرح پکا کر حاصل کیا جاتا ہے لیکن بہت سے دوسرے خطوں میں یہ پام، کھوپرے کے پانی اور کھجور کے رس سے بھی تیار کیا جاتا ہے۔

گڑ میں وٹامنز، پوٹاشیم ، کیلشیم ،زنک،فاسفورس اور کاپر بڑی مقدار میں پایا جاتا ہے، جو صحت کے لئے بہت مفید ہے۔

ماہرین صحت کا کہنا ہے کہ گرم پانی اور گڑ کا استعمال انسان کے ہاضمے کو مضبوط کرتا ہے اور گردوں کی بیماریوں سے نجات دلاتا ہے۔

گڑ میں کئی فینولک مرکبات پائے جاتے ہیں، جو آکیسڈیٹو کے تناؤ سے لڑتے ہیں، یہی وجہ ہے کہ گڑ سردیوں میں ہونے والی کھانسی سے نجات دلاتا ہے۔

گڑ میں فائبر کی اچھی مقدار ہوتی ہے جو نظام انہظام کو آسانی سے صاف کرنے میں مدد دیتی ہے، اس کے علاوہ نظام تنفس، پھیپھڑوں ، غذائی نالی اور آنتوں کو بھی صاف کرتا ہے۔

گڑ میں موجود پوٹاشیم جسم میں الیکٹرولائٹ اور منرل لیول کو متوازن رکھنے میں مدد کرتا ہے، اسی لیے اس کا پانی جسم سے اضافی چربی کو کم کرنے کے لئے نہایت مفید ثابت ہوسکتا ہے۔