چقندرآئرن اور وٹامنز سے بھرپورایک ایسی صحت بخش سبزی ہے جو آپ کی مجموعی صحت کو بہتر بنانے میں اہم کردار ادا کرتی ہے ۔ تاہم یہ سبزی آپ کی جلد کو بہتربنانے اور چہرے کے حسن کو بڑھانے میں اپنی مثال نہیں رکھتی۔

اس کی سب سے خاص بات یہ ہے کہ یہ سبزی ارزاں قیمت سارا سال آسانی سے دستیاب ہوتی ہے اس میں اینٹی آکسیڈنٹس کی کثیر مقدار پائی جاتی ہے جو بڑھاپے کے اثرات کو روکنے میں مددفراہم کرتی ہے۔

چقندر داغ دھبوں کودور کرکے جلد کو ایک قدرتی گلابی چمک دیتا ہے۔ چقندرکو جلد کی حفاظت اور رونق بڑھانے کے لیے اس طرح استعمال کریں۔

ہموار جلد

چقندرمیں موجود وٹامن سی  جلد کی رنگت نکھارنے، داغ دھبوں کو دور کرنے میں مدد دیتا ہے ساتھ یہ جلد کو نمی فراہم کر کے اسے نرم اور ملائم  بناتا ہے۔

ایک چقندرکو دو چمچ دہی کے ساتھ لیں بلینڈر میں اچھی طرح بلینڈ کریں اب اس میں بادام کا تیل شامل کر کے اسے چہرے اور جسم پر اچھی طرح لگا کر مساج کریں پندرہ سے بیس منٹ بعد پانی سے دھولیں۔

جھریوں سے حفاظت

اینٹی آکسیڈنٹس سے بھرپور ہونے کی بنا پر چقندرجلد کو جھریوں سے محفوظ رکھتا ہے عمر رسیدگی کی بتدائی علامات کو دور کرنے میں مدد فراہم کرتا ہے جبکہ اس میں موجود  لائکوپین جلد کی لچک کو بڑھاتا ہے۔

اس مقصد کے لیے چقندرپیس لیں اب اس میں شہد کے چند قطرے شامل کر کے  ہفتے میں کم از کم ایک یا دو بار اپنے چہرے پر لگائیں۔ یہ جلد کوٹائٹ بناکر اس کی قدرتی چمک بحال کرے گا۔

ایکنی کے لیے

اگر آپ چکنی جلد کے مالک ہیں اور ایکنی سے پریشان رہتے ہیں تو چقندر کا رس استعمال کریں۔ آپ  چقندر کا رس کھیرے کے رس کے ساتھ ملاکر پی لیں آپ کی جلد بہتر ہوجائے گی۔ تاہم اس کا رس دہی کے ساتھ ملاکر لگانے سے بھی ایکنی سے نجات مل سکتی ہے۔

گلابی ہونٹ

جلد کے لیے چقندر کے فوائد میں کھردرے ہونٹوں کو چمکانا بھی شامل ہے۔ اگر آپ کے ہونٹ چکنے اور رنگت گلابی نہیں ہے تو رات کو ہونٹوں پر چقندر کا رس لگائیں آپ خود فرق محسوس کریں گے۔