سگریٹ نوشی ایک بد ترین لت ہے جس کے مجموعی صحت پر منفی اثرات مرتب ہوتے ہیں۔

ایک اندازے کے مطابق 1.1 بلین افراد تمباکو نوشی کی لعنت کا شکار ہیں لیکن اکثر افراد اس سے چھٹکارا حاصل کرنے کی کوشش بھی کرتے ہیں لیکن وہ اس میں کامیاب نہیں ہو پاتے۔

تو آج ہم آپکو ایسے چند طریقے بتائیں گے جس سے آپکو سگریٹ چھوڑنے میں آسانی ہوگی۔

منصوبہ بندی

جب آپ سگریٹ نوشی ترک کرنے کا فیصلہ کرلیتے ہیں تو یہ تمباکو نوشی کے خاتمے کی جانب پہلا اور اہم قدم ہوتا ہے۔

سب سے پہلے خود سے وعدہ کریں اور پھر سگریٹ چھوڑنے کی ایک تاریخ منتخب کریں اور اس پر سختی سے عمل پیرا رہیں۔

طرزِ زندگی میں تبدیلیاں

ورزش اور غذا میں بہتری آپ کے سگریٹ نوشی کو چھوڑنے کے فیصلے میں کامیابی کے امکانات کو بڑھا سکتی ہے۔

یہ بھی پڑھیں: سگریٹ نوشی چھوڑنے کے ایک ماہ بعد صحت میں کونسی تبدیلیاں آتی ہیں؟ جانیے

طرزِ زندگی میں مستقل تبدیلیاں پرانی سے پرانی سگریٹ نوشی کی عادت کو چھوڑنے میں مدد دیتی ہے۔

صحت بخش اشیاء جیسے سبزیاں، پھل، دودھ وغیرہ کھانا اور پینا بھی سگریٹ کے نقصانات کو کم کرنے میں ایک مؤثر عنصر ثابت ہو سکتا ہے۔

پیشہ ورانہ مدد

بہت سے لوگوں کے لیے سگریٹ چھوڑنا ایک مشکل کام ہوسکتا ہے اور وہ اس کی طلب کی صورت میں واپس اس کی جانب رخ کرسکتے ہیں اس کی وجہ یہ ہے کہ ایسے لوگوں کے لیے سگریٹ پر جذباتی اور جسمانی طور پر قابو پانا ان کے لیے مشکل کام ہوتا ہے۔

یہ بھی پڑھیں: کس عمر میں سگریٹ نوشی ترک کرنا موت کی شرح کو کم کرتا ہے

اس مسئلے پر قابو پانے کے لیے ضروری ہے کہ آپ تھراپی کا سہارا لیں یہ تمباکو نوشی کی عادت کی وجوہات کو دور کرنے اور ان کا علاج کرنے میں مددگار ثابت ہو سکتی ہے۔

دوسروں کی حمایت

آپ کے خاندان کے افراد، دوستوں اور ساتھیوں کی حمایت بھی بہت بڑا فرق پیدا کر سکتی ہے۔

اس کے علاوہ ایسے تمباکو نوشوں کے گروپس میں شامل ہو سکتے ہیں جو خود بھی تمباکو نوشی چھوڑنے کی کوشش کر رہے ہیں۔

یہ بھی پڑھیں: ای سگریٹ پینے والے ہو جائیں ہوشیار؛ نئی تحقیق نے خطرے کی گھنٹی بجا دی

ایسے ہی حالات میں لوگوں سے بات کرنا اور ان کے سفر کے بارے میں جاننا حوصلہ افزا ہو سکتا ہے اور آپ کو یہ احساس دلاتا ہے کہ آپ اس میں تنہا نہیں ہیں۔

سگریٹ اور لائٹر پھینک دیں

سگریٹ چھوڑنے کا فیصلہ کرنے کے بعد چند مہینوں تک یہ بہتر ہوگا کہ آپ اپنے گھر میں موجود سگریٹ، لائٹر وغیرہ کو پھینک دیں۔

یہ بھی پڑھیں: دل کے مریض سگریٹ نوشی ترک کرکے عمر میں اضافہ کر سکتے ہیں، تحقیق