ایک مشہور قول ہے کہ جیسا آپ کھاتے ہیں ویسا ہی نظر آتے ہیں یہی وجہ ہے  کہ سائنسدان صحت بخش غذا کھانے کا مشورہ دیتے ہیں تاہم ایک نئی تحقیق کے مطابق کاربوہائیڈریٹ سے تیار غذائیں آپ کی خوبصورتی کو متاثر کرسکتی ہیں۔

حال ہی میں کی جانے والے ایک تحقیق کے مطابق ایسے تمام افراد جو کاربوہائیڈریٹ سے بھر پور کھانا کھاتے ہیں ان کے چہرے کم پر کشش محسوس  ہوتے ہیں۔

پلوس ون نامی جریدے میں شائع ہونے والی اس تحقیق میں 104 خواتین اور مرد حضرات کے چہروں کو جانچنے کے لیے ناشتے پر مدعو کیا گیا۔ ان میں سے کچھ شرکاء کو اعلی کاربوہائیڈریٹ مینو سے کھانا منتخب کرکے کھانے کو کہا گیا، جبکہ دوسروں کو کم گلیسیمک متبادل پیش کیا گیا۔

کھانے کے دو گھنٹے بعد، تمام شرکاء کے چہروں کی تصاویر لے کر ان کے حوالے کی گئی اور ساتھ ہیں انہیں تاکید کی گئی وہ ان کی درجہ بندی کریں۔

ایسے تمام مرد حضرات اور خواتین جنہوں نے کاربوہائیڈریٹ سے بھرپو کھانے کھائے تھے بورڈ میں ان چہرے کو کشش کے کم اسکور دیئے گئے۔ اسی طرح ایسے تمام افراد جنہوں نے اپنے سروے میں لکھا تھا کہ وہ ناشتے میں زیادہ کارب کھاتے ہیں کم پرکشش درجہ بند کیے گئے۔

مونٹپیلیئر یونیورسٹی کے محققین کا کہنا ہے کہ اس پر مزید تحقیق کی ضرورت ہے تاکہ یہ جانا جاسکے کہ کھانے پینے کی اشیاء سے چہروں کیوں متاثر ہوتے ہیں۔