وہ غذائیں جو خالی پیٹ نہیں کھانی چاہیے!!!
آج ہم آپکو اُن 5 غذاؤں کے بارے میں بتائیں گے جن کو خالی پیٹ کھانا نقصان دہ ہوسکتا ہے۔
مسالے دار کھانے
مسالے دار پکوان آپ کی زبان کو چٹخارہ تو دے سکتے ہیں لیکن خالی پیٹ کھانے سے یہ آپ کے نظام انہضام کو تباہ بھی کر سکتے ہیں۔
ایسے کھانوں میں کیپساسین نامی مرکب پیٹ کی خرابی اور سینے میں جلن کا سبب بن سکتا ہے، اس لیے اپنے دن کی شروعات ہلکی پھلکی غذاؤں کے ساتھ کریں اور چٹ پٹے کھانوں کو بقیہ دن کے لیے چھوڑ دیں۔
کافی
کافی بہت سے لوگوں کی صبح کا لازمی ہوتی ہے لیکن بلیک کافی کی تیزابی نوعیت اور اس کی کریم پر مبنی اقسام میں شامل چینی اور دودھ پیٹ خراب کر سکتی ہے۔
ماہرین دیگر تیزابی مشروبات مثلاً چائے اور کاربونیٹیڈ ڈرنکس سے پرہیز کرنے کی بھی تجویز دیتے ہیں کیونکہ یہ سینے کی جلن یا گیسٹرائٹس کا سبب بن سسکتے ہیں۔
میٹھے سیریلز اور پیسٹری
یہ بھی ناشتے کا لازمی جُز سمجھا جاتا ہے لیکن خالی پیٹ ریفائنڈ کاربوہائیڈریٹس کھانے سے مکمل طور پر گریز کرنا چاہیے کیونکہ یہ خون میں شوگر کے اضافے کا باعث بن سکتے ہیں۔
ناشتے میں یہ کھانے سے آپ کو دوپہر کے کھانے سے قبل سستی اور بھوک کا احساس ہوگا، پائیدار توانائی کے لیے پروٹین اور فائبر سے بھرپور غذاؤں کا انتخاب کرنا چاہیے۔
تلی ہوئی غذائیں
تلی ہوئی غذاؤں میں چکنائی زیادہ ہوتی ہے اور ہضم ہونے میں زیادہ وقت لگتا ہے، جس سے آپ کے نظام انہضام پر دباؤ پڑتا ہے، خاص طور پر اگر انہیں صبح سویرے کھایا جائے۔
ایسی غذائیں سستی اور متلی کے احساسات کا باعث بن سکتی ہیں، زیادہ توانائی بخش ناشتے کے لیے ہلکے پھلکے آپشنز، مثلاً دلیا یا انڈے کا انتخاب کرنا چاہیے۔
پھلوں کا جوس
پھلوں کا جوس اگرچہ ایک صحت مند آپشن لگتا ہے لیکن ماہرین اسے خالی پیٹ نہ پینے کی ترغیب دیتے ہیں کیونکہ دانتوں کی صحت پر اس کے مضر اثرات ہوتے ہیں۔
پھلوں کے جوس میں موجود تیزاب دانتوں کی بیرونی محافظ تہہ کو ختم کر سکتا ہے اور دانتوں میں کیڑا لگنے (cavity) کا خطرہ بڑھا سکتا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News