پاکستان کی 20 سالہ نوبیل انعام یافتہ ملالہ یوسفزئی نے فرانس کے صدر میکرون سے ملاقات کی ، جس میں  انھوں نےنوجوانوں بالخصوص لڑکیوں کے مسائل پر تبادلہ خیال کیا ۔

تفصیلات کے مطا بق اقوام متحدہ کی جانب سے امن کی پیامبر ملالہ یوسفزئی جی سیون سمٹ میں شرکت کے لیے فرانس میں ہیں جہاں انھوں نے فرانس کے صدر میکرون سے ملاقات کی ۔

ملالہ نے اس ملا قات کے با رے میں بتایا کہ فرانسیسی صدر میکرون نے مغربی افریقہ میں بالخصوص لڑکیوں کی تعلیم پر سرمایہ کاری کرنے میں دلچسپی کا اظہار کیا ہے۔

واضح رہے کہ جی سیون سمٹ میں تعلیم اور کھیل کے میدان میں لڑکیوں کو مزید مواقع فراہم کرنے کے حوالے سے قرار دار بھی منظور کی گئی ہے۔