چترال میں مقبول ترین شندور فیسٹیول کا دنیا کے بلند ترین پولو گراؤنڈ میں آج سے آغاز ہوگیا ہے۔

شندور فیسٹیول کی وجہِ شہرت وہاں پر کھیلا جانے والا پولو اور سرسبزوشاداب نظارے ہیں جس کی وجہ سے دنیا بھر سے سیاح اس مشہور فیسٹیول میں شر کت کر تے ہیں، جو کہ تین روز تک جا ری رہے گا۔

فری اسٹائل پولو میں گلگت اور چترال کی ٹیمیں شرکت کرتی ہیں اور یہ کھیل  بے حد  دلچسپ ہوتا ہے،شندور فیسٹیول میں پولو کے علاوہ پیراگلائڈنگ اور ثقافتی رقص کا بھی شاندار مظاہرہ کیا جاتا ہے ۔

 یہ فیسٹیول ہر سال 7سے9جولائی کو منعقد کیا جاتا ہے، اس سال فیسٹیول کے پہلے ہی روزیعنی آج، لاکھوں کی تعداد میں سیاح شندور کا رخ کر چکے ہیں اور توقع ہے کہ یہ تعداد فائنل کے روز 3گنا زیادہ ہوسکتی ہے۔