شعیب دستگیر کو نئے آئی جی پنجاب تعینات کردیا گیا ہے جبکہ وزیر اعظم  عمران خان نے منظوری دے دی جبکہ اسکا باقاعدہ نوٹیفکیشن بھی جاری کردیا گیا ہے۔

تفصیلات کے مطابق پولیس کے موجودہ آئی جی میجر ریٹائرڈ عارف نواز کی جگہ شعیب دستگیر کو نیا آئی جی پولیس پنجاب تعینات کیا گیا ہے۔

شعیب دستگیر نیشنل پولیس فاؤنڈیشن کے ایم ڈی کی حیثیت سے کام کررہے تھے۔

شعیب دستگیر لاہور میں متعدد اہم پوسٹوں پر کام کرنے کے ساتھ ساتھ آزاد جموں و کشمیر میں بھی خدما ت سر انجام دے چکے ہیں۔

واضح رہے کہ اس سے قبل پنجاب بیورو کریسی میں اعلی سطحی تبدیلیاں کرتے ہوئے وفاقی سیکرٹری داخلہ میجر ریٹائرڈ اعظم سلیمان کو چیف سیکرٹری پنجاب تعینات کردیا گیا ہے۔

تفصیلات کے مطابق آج بروز منگل وفاقی سیکرٹری داخلہ میجر ریٹائرڈ اعظم سلیمان کو چیف سیکرٹری پنجاب کا نوٹی فکیشن جاری کیا گیا، سابق چیف سیکرٹری پنجاب یوسف نسیم کھوکھر کی خدمات وفاق کے سپرد کر دی گئیں ہیں۔

ذرائع کے مطابق پنجاب کے چیف سیکرٹری کے عہدے سے برطرف ہونے والے بیوروکریٹ یوسف نسیم کھوکھر کووفاق میں ہی اہم ذمہ داری سونپے جانے کا امکان ہے۔