لاہورمیں مسلم لیگ ن کے رہنماوں کی پریس کانفرنس کے دوران احسن اقبال کا کہنا تھا کہ ملکی معیشت کی تنزلی ایک ڈراونا خواب بن چکی ہے۔ 10 لاکھ افراد بے روزگار ہوگئے ہیں اور وزیر اعظم اپنی معاشی کابینہ کو مبارکباد دپیش کر رہے ہیں ۔

 احتساب کےحوالےسےاحسن اقبال کاکہناتھاکہ نیب کی پکڑسےبچاوپی ٹی آئی میں شامل ہونےکے انجکشن ہیں ۔ پی ٹی آئی کے قطرے بھی پی لیں تو احتساب سے بچ جائیں گے۔

ان کا مزید کہنا تھا وزیراعظم اپنی ہرناکامی کابوجھ افسروں پرڈال دیتےہیں،اصل قصورافسروں کانہیں بلکہ عمران خان کاہےجنھیں گورننس کی سمجھ نہیں آرہی ہے ۔
اتنے بڑے پیمانے پر اکھاڑ پچھاڑ حکومتی نااہلی کا ثبوت ہے ،ہر اکھاڑ پچھاڑکے بعد چھ ماہ کا تعطل آجاتا ہے ۔

مسلم لیگ رہنمااحسن اقبال نےکہاحکومت  نے چوتھی مرتبہ بجلی کی قیمتوں میں اضافہ کر دیا ہے ۔ احسن اقبال نےکہا کہ گیس اوربجلی کی قیمت میں حالیہ  اضافےسےبجلی کی چوری میں اضافہ ہوگا جتنا،حکومت گیس بجلی مہنگی کریں گی اتناہی چوری میں اضافہ ہوگا ۔

ان کا کہنا تھا کہ یہ حکومت جب سے برسرِ اقتدار آئی ہے تب سے پاکستان کو تجربوں پر چلا رہی ہے، ہم نے کہا تھا جس نے یونین کونسل بھی نہیں چلائی وہ تباہی ہی مچائے گا۔