بیرون ملک چھپائی گئی دولت واپس لانے میں ایک اور اہم پیش رفت سامنے آگئی۔ سوئس حکومت نے پاکستان کوبینکس میں موجودرقم کی معلومات دینےکی منظوری دے دی ہے۔

تفصیلات کےمطابق سوئس حکومت کی جانب سے پاکستان کو بینکس میں موجود رقم کی معلومات دینے کی منظوری دے دی گئی ہے۔سوئس اخبار کےمطابق سوئٹزرلینڈ پاکستانیوں کے اکاونٹس سمیت 18 ممالک کو معلومات فراہم کرے گا۔ جس کی منظوری سوئس پارلیمنٹ نے دی ہے۔

سوئس اخبار کے مطابق معلومات غیرملکی باشندوں کے متعلقہ ملکوں کو فراہم کی جائیں گی،جن میں پاکستان سمیت البانیہ،آذربائیجان ، برونائی ، مالدیپ، عمان اور دیگر شامل ہیں۔

یہ خبر بھی پڑھیں : کاروباری حضرات کیلئے بڑی خوشخبری

سوئس اخبار نے انکشاف کیاہے کہ سوئس بینک میں 31لاکھ غیر ملکی باشندوں کے اکاونٹس موجود ہیں۔

پاکستان کاروبارکیلئے بہترین ملک ہے

خیال رہے کہ رواں سال مارچ میں حکومت کا ریکوری یونٹ بیرون ملک سے پانچ سو تیس ملین روپے کی رقم ریکور کرنے میں کامیاب ہواتھا اور ریکور کی جانے والی تمام رقم قومی خزانے میں جمع کرادی گئی تھی۔

گٓذشتہ سال وزیرِ اعظم کے مشیر برائے احتساب شہزاد اکبر نے کہا تھا کہ سوئس حکومت کے ساتھ پاکستان سے لوٹی گئی دولت کی واپسی کے لیے دو طرفہ معاہدہ ہونے جا رہا ہے۔