بھارتی حکومت نےمقبوضہ جموں کشمیرسےپیراملٹری فوج کی کمپنیاں واپس بلانےکافیصلہ کر لیا ہے  ۔

بھارتی حکومت کے وزیرداخلہ امورنےچیف اورہوم سیکرٹری سری نگر کواحکامات جاری کردیےہیں جس کے مطابق کشمیرسےپیراملٹری  فوج کی 72  کمپنیاں واپس بلانےکافیصلہ کیاہے۔

نوٹیفکیشن کے مطابق کشمیرسےنکالی گئی کمپنیاں دیگرجگہوں پرڈیوٹی سرانجام دیں گی ۔

 نوٹیفکیشن کے مطابق ہر کمپنی میں 100 فوجی اہلکار ہیں اور تقریبا 7 ہزار فوجیوں کو جموں کشمیر سے نکال کر بھارت کے مختلف علاقوں میں تعینات کیا جائے گا۔

پولیس فورس کی 24 کمپنیوں سمیت بارڈر سیکیورٹی فورس(بی ایس ایف)، انڈو طبتین بارڈر پولیس(آئی ٹی بی پی)، سنٹرل انڈسٹریل سیکیورٹی فورس(سی آئی ایس ایف) اور ساشاسترا سیما بل(ایس ایس بی) سے 12،12 کمپنیوں کو واپس بلایا جائے گا۔

پیراملٹری فورس کی مذکوربالا کمپنیاں پانچ اگست کو ارٹیکل 370 ختم کرنے بعد جموں و کشمیر میں تعینات کی گئی تھیں۔ دسمبر2019 کے آغاز میں بھی اس قسم کی 20 کمپنیوں کو واپس بلایا گیا تھا۔

مقبوضہ کشمیر میں چار مہینوں کے کرفیو کے بعد نمازِ جمعہ ادا کی گئی

دوسری جانب مقبوضہ  کشمیر کے ضلع کپواڑہ میں فوجی جیب میں آتشزدگی کے نتیجے میں 2 بھارتی فوجی ہلاک ہوگئے ہیں

کشمیر میڈیا سروس کے مطابق مقبوضہ کشمیر کے شمال میں واقع ضلع کپواڑہ میں فوجی جیب میں اچانک آگ بھڑک اٹھی جس کے نتیجے میں 2 بھارتی فوج ہلاک ہوگئے، دونوں اہلکار فوجی جیب کے اندر سورہے تھے۔ حادثہ قابض بھارتی فوج کے چیرکوٹ آرمی کیمپ کے سیکٹر 8 کے اندر پیش آیا

واضح رہےکہ مقبوضہ کشمیرمیں بھارت کامسلط کردہ فوجی محاصرہ مسلسل 143ویں روز بھی جاری ہے۔ وادی کشمیر، جموں اور لداخ کے مسلم اکثریتی علاقوں میں نظام زندگی بدستور مفلوج ہے۔