وزیر خارجہ شاہ محمود قریشی نے کہا ہے کہ ایم کیو ایم نے مشکل حالات میں ہمارا ساتھ دیا اور ساتھ کھڑے ہیں۔

تفصیلات کے مطابق کراچی میں ایم کیوایم کے عارضی مرکز میں اتحادی جماعت کے رہنماؤں سے ملاقات کے بعد میڈیا سے بات کرتے ہوئے وزیر خارجہ شاہ محمود قریشی نے کہا کہ خالدمقبول سمیت ایم کیوایم پاکستان کی قیادت کا مشکور ہوں اور ہماری آج کی نشست میں ملکی ، سیاسی اور سندھ کی صورتحال پر تبادلہ خیال کیا گیا۔

وزیر خارجہ نے کہا کہ ایم کیو ایم جانتی ہے کہ عمران خان نے کن مشکل حالات میں ملک کی باگ ڈور سنبھالی کیونکہ ہمارے اور ایم کیو ایم کے خیالات یکساں ہیں اور اب ہم نے یہ سوچنا ہے کہ عوام کی توقعات پر کیسے پورا اتریں۔

شاہ محمود قریشی نے یہ بھی کہا کہ ووٹ دینےوالا حکومت سے بہتری کی توقع رکھتا ہے، ووٹرزکےسامنے حقائق رکھے جاتےہیں وہ سمجھدارلوگ ہیں، ووٹرزسمجھتے ہیں حکومت مشکلات کا شکار تھی جب کہ کراچی کاووٹرسب سے زیادہ سیاسی شعور رکھنےوالا ہے۔

وزیر خارجہ شاہ محمود قریشی نے مزید کہا کہ وزیراعظم نےدعوت دی ہے اب اگلی نشست میں ایم کیوایم کےدوست شامل ہوں گے، ایم کیوایم کے اتحادی دوستوں سے 5 دسمبر کو وزیراعظم کی سربراہی میں نشست ہوگی، کراچی اور سندھ کے معاملات پر پہلے سے زیادہ آگاہی حاصل ہوئی،یقین ہےاسلام آباد میں ہونیوالی نشست سود مند ثابت ہوگی۔

اس موقع پر ایم کیو ایم پاکستان کے کنوینر خالد مقبول صدیقی نے کہا کہ اہم قومی مسائل پر ہماری پالیسی واضح ہے گزشتہ گیارہ سال سے سندھ معاشی دہشت گردی کا شکار ہے کچھ مطالبے ایم کیو ایم کی جانب سے کئے گئے تھےاس پر حکومت کی جانب سے سست وری کا سامنا ہے۔

دونوں رہنماؤں کی جانب سے اٹھارویں ترمیم پر کہا گیا کہ اختیارات کے نچلے سطح پر لانے کے لئے وفاق سے تقاضے کیے گئے بدقسمتی سے صوبے نے اپنے تقاضے پورے نہیں کیے جس پر افسوس ہے۔