بینظیرانکم سپورٹ پروگرام سے 6 لاکھ سے زائد افراد سے کونکالنے کا فیصلہ کیا گیاہے۔

 بینظیرانکم سپورٹ پروگرام کے تحت امدادی رقم وصول کرنے والے 6لاکھ سےلوگوں کو نکالنے کا فیصلہ کیا ہے۔

پروگرام سے فائدہ اٹھانے والے 6 لاکھ 25 ہزار 592 افراد کو لسٹ سے نکالنے کی سمری کابینہ کو ارسال کردی ہے جن میں وفاقی یا صوبائی حکومتوں کے سرکاری ملازمین اور 12 ایکڑ سے زائد زرعی زمین رکھنے والے بھی شامل ہیں۔

بینظیر انکم سپورٹ پروگرام کے تحت سہہ ماہی معاوضہ 5500 سے بڑھا کر6 ہزار کرنے کا فیصلہ کیا جس کا نیا نام “احساس کفالت” رکھا گیا ہے۔

وفاقی کابینہ نےوزیراعظم عمران خان کی معاون خصوصی برائے تخفیف غربت ڈاکٹرثانیہ نشترکی تجویزکی توثیق کردی ہے۔

کابینہ کی کمیٹی برائے تخفیف غربت اور سماجی تحفظ نے اجلاس میں بتایا کہ 2010-11 میں پروگرام  کے آغاز پرشادی شدہ خواتین سمیت دو کروڑ 70 لاکھ افراد کو تخفیف غربت کی خاطر رجسٹر کیا گیا تھا۔

کابینہ ارکان کوآگاہ کیا گیاکہ وقت گزرنےکےساتھ ساتھ امدادوصول کرنے والےخاندانوں کی سماجی اورمعاشی حالت بہترہوئی ہے۔

حکومت کا اقتصادی اصلاحات کا ایجنڈا درست سمت میں آگے بڑھ رہا ہے، حماداظہر

ڈاکٹرثانیہ نشترکےمطابق کنٹرولر جنرل اکاؤنٹ اورنادراسےبھی امداد لینے والے ان افراد کا بھی پتا چلایا گیا جن کے خاندان کے افراد وفاقی حکومت، صوبائی حکومت،ریلوے،پاکستان پوسٹ اور بے نظیر انکم سپورٹ پروگرام میں  ملازمت   کرتےہیں ۔

نادرا نےگزشتہ 8 سال بینظیر انکم سپورٹ پروگرام سے فائدہ اٹھانے والوں کا تفصیلی جائزہ لیا جس سے پتہ چلا کہ ان میں سے 5 لاکھ 25 ہزارافراد ایک یا زائد مرتبہ بیرون ملک سفرکرچکے ہیں،44 ہزارافراد کے پاس ایک یازائد گاڑی یاموٹرسائیکل ہے۔

36 ہزارافراد نےایگزیکٹو فیس دے کرشناختی کارڈ بنوائے،ایک ہزار246 افراد نے ایگزیکٹوسینٹر سے پاسپورٹ کے لیے اپلائی کیا، 30 ہزارافراد ماہانہ ایک ہزار روپے موبائل فون کا بل ادا کرتے ہیں،اوسطا ایک ہزار روپے ٹیلیفون بل ادا کرنے والوں کی تعداد 19 ہزار 686 ہے۔