محکمہ موسمیات کاکہناہے کہ بالائی علاقوں کی سڑکیں بدستور دسویں روز بھی بندہیں جبکہ شدید برفباری کے بعد سڑکوں پر برف جم گئیں ہیں جو ابھی تک نہیں صاف کی جاسکیں۔

تفصیلات کے مطابق علاقہ مکین کا کہناہےکہ پیرآباد، پاگوڑئی، باسی، زڑہ، کس لیلونئی، جبہ، آمنوی کی سڑکیں بدستور بند ہیں جس سے علاقوں میں غذائی قلت پیدا ہونے کا خدشہ ہے۔

محکمہ موسمیات کے مطابق آج ملک کے بالائی ، وسطی/مغربی علاقوں میں مطلع ابر آلود رہے گا۔ تاہم شمال مغر بی بلو چستان، خیبر پختو نخوا کے پہاڑی علا قوں ، کشمیر اورگلگت بلتستان میں بعض مقامات پر بارش اورپہاڑوں پربرفباری کی توقع ہے ۔

 پنجاب کے بیشتر میدانی علاقوں اور بالائی سندھ میں رات کے اوقات میں دھند پڑنے کا امکان ہے۔ ملک کے دیگر علاقوں میں موسم خشک اور سر د رہے گا۔

محکمہ موسمیات نے کہا کہ منگل کے روز ملک کے بالائی علاقوں میں مطلع ابر آلود رہے گا۔ بالائی خیبرپختو نخوا ، کشمیر ،گلگت بلتستان ، بالائی پنجاب اور اسلام آباد میں بعض مقامات پر بارش اورپہاڑوں پربرفباری کی توقع ہے ۔ تاہم پنجاب کے بیشتر میدانی علاقوں اور بالائی سندھ میں صبح اور رات کے اوقات میں دھند پڑنے کا امکان ہے۔

دوسری جانبمحکمہ موسمیات کا کہناہے کہ سردی کی شدید لہرملک کے بیشترعلاقوں میں برقرار رہے گی۔ شمالی علاقہ جات اور شمالی بلوچستان کے اضلاع میں موسم بدستور خشک اور سرد رہنے کی پیشگوئی کی گئی ہے۔

محکمہ موسمیات کا کہناہے کہ شمال مشرقی پنجاب اور کشمیر میں صبح کے اوقات میں چند مقامات پربارش اور پہاڑوں پر برفباری متوقع ہے جبکہ پنجاب کے بعض میدانی علاقوں اور بالائی سندھ میں صبح کےاوقات میں دھند پڑنے کا امکان ظاہر کیاگیاہے۔

قومی شاہراہ پرلاہورمیں ٹھوکر، موہلنوال، مانگا منڈی، پھول نگر،جمبر، پتوکی، حبیب آ باد، رینالہ خورد، اوکاڑہ، ساہیوال اور ہڑپہ میں شدید دھند ہے۔

سیالکوٹ، ناروال، گوجرانوالہ، جہلم ، راولپنڈی کے اضلاع میں چند مقامات پر وقت بارش ہوسکتی ہے تاہم فیصل آباد، جھنگ، ملتان، سرگودھا، بہاولپور اور رحیم یارخان میں بھی دھند پڑنے کا امکان ہے۔

سندھ کےبیشتراضلاع میں موسم سرد اور خشک رہےگا تاہم سکھر اورلاڑکانہ میں صبح کے اوقات میں ہلکی دھندچھائی رہےگی۔

بلوچستان، خیبرپختونخوا، گلگت بلتستان اورآزادکشمیر کے اکثراضلاع میں آج موسم شدید سرد اورخشک رہے گا۔

گزشتہ 24 گھنٹوں کےدوران ملک کے بیشترعلاقوں میں موسم خشک اورسرد رہا تاہم مری میں 01 ملی میٹر بارش ریکارڈ کی گئی۔ سب سے زیادہ سردی استور میں پڑی جہاں کا درجہ حرارت منفی 15 ڈگری سینٹی گریڈ ریکارڈ کیا گیا۔