پاکستان میں کھیلنے جانے والے کبڈی ورلڈ کپ کے فائنل میں روائتی حریف بھارت اور پاکستان کی ٹیمیں آج مدمقابل آئیں گی۔

تفصیلات کے مطابق گزشتہ دن سیمی فائنل میں پاکستان نے ایران کو 30 کے مقابلے میں 50 پوائنٹس سے جبکہ بھارت نے آسٹریلیا کو 32 کے مقابلے میں 42 پوائنٹس سے شکست دی۔

واضح رہے کہ پہلی مرتبہ ورلڈ کپ بھارت سے باہر پاکستان میں ہورہا ہے جہاں دنیا بھر سے ٹیمیں گزشتہ ایک ہفتے سے موجود ہیں اور پنجاب کے مختلف شہروں میں میچز کھیل رہی ہیں۔

لاہور میں 9 فروری کو ایک رنگارنگ تقریب کے بعد کبڈی ورلڈ کپ کا آغاز کیا گیا تھا اور پاکستان نے افتتاحی میچ میں کینیڈا کو بھی شکست دے دی تھی۔

بھارت کی ٹیم 8 فروری کو براستہ واہگہ بارڈر لاہور پہنچی تھی اور کبڈی ورلڈ کپ 2020میں حصہ لینے والی 10 ٹیموں میں شامل ہے۔