امریکا نےکرونا وائرس سے متعلق بے بنیاد اطلاعات پھیلانے کا ذمہ دار روس کو قرار دیا ہے۔.

غیرملکی میڈیا کی رپورٹ کے مطابق امریکی عہدیداروں نےکہاہےکہ روس نے کرونا سے متعلق امریکا کیخلاف ایک مہم چلا رکھی ہے اور اس کا مقصد امریکا کے تشخص کو مجروح کرنا ہے۔

بعض امریکی عہدیداروں نے روس سے وابستہ سوشل میڈیا کے ہزاروں اکاؤنٹس پر الزام عائد کیا ہے کہ انھوں نے نئے کرونا وائرس سے متعلق خوف وہراس پھیلانے کے لیے امریکا کے خلاف ایک مربوط مہم برپا کررکھی ہے۔

’غلط معلومات پر مبنی اس مہم کے ذریعے ان سازشی نظریات کی تشہیر کی جارہی ہے کہ چین میں کرونا وائرس کے پھیلنے میں امریکا کا ہاتھ کارفرما ہے‘۔

انھوں نے کہا کہ اس مہم کا مقصد صحت کے بارے میں عالمی سطح پر پائی جانے والی تشویش کے پیش نظر امریکا کے تشخص کو مجروح کرنا ہے۔