کراچی شہر میں اب بھی بادل موجود ہیں جو ہلکی بارش برسا سکتے ہیں۔

کراچی میں مغربی ہواؤں کا سسٹم شہر سے نکل چکا ہے، اس کے باوجود آئندہ 24 گھنٹوں کے دوران مطلع جزوی ابر آلود رہنے اور بوندا باندی کا امکان ہے۔

محکمۂ موسمیات کے مطابق کراچی میں آج کم سے کم درجۂ حرارت 24 اعشاریہ 5 ڈگری سینٹی گریڈ ریکارڈ کیا گیا جبکہ زیادہ سے زیادہ درجۂ حرارت 31 سے 33 ڈگری سینٹی گریڈ کے درمیان رہنے کا امکان ہے۔

ڈائریکٹر محکمۂ موسمیات سردار سرفراز کے مطابق مغربی ہواؤں کا سسٹم کراچی شہر سے جا چکا ہے، مگر اب بھی بادل موجود ہیں جو ہلکی بارش برسا سکتے ہیں۔