پاکستانی شو بز انڈسٹری کی معروف اداکار جوڑی سجل علی اور احد رضا میر رشتہ ازدواج میں منسلک ہوگئے۔

ڈراما سیریل ’’یقین کا سفر‘‘ کی خوبصورت جوڑی حقیقی زندگی میں بھی ایک ہوگئی ، دونوں کو ساتھی فنکاروں اور مداحوں کی جانب سے نئی زندگی کی ڈھیروں مبارکباد دی جارہی ہے۔

ان کے نکاح کی ویڈیو بھی سماجی رابطے کی ویب سائٹ پر شیئر ہوئی جو کہ نا صرف وائرل ہو رہی ہے بلکہ اس میں دیکھا جاسکتا ہے کہ نکاح خواں نے غلطی سے احد رضا میر کو احمد رضا میر مخاطب کر کے پوچھا کہ آپ کو سجل علی قبول ہیں۔

Gulzar ne pehle bola tha maulvi badal lo 😂@ahadrazamir @Iamsajalali pic.twitter.com/8debGNG8NN

Advertisement

— Galaxy Lollywood (@galaxylollywood) March 14, 2020

 نکاح خواں نے جب دوسری بار پوچھا تو دلہا سمیت وہاں موجود تمام افراد حیرت سے ہنسنے لگے اور اسی دوران کسی رشتے دار نے نعت خواں سے بولا کہ آپ نے پہلے بھی احمد ہی بولا تھا۔

See more

واضح رہے کہ احد اور سجل کی شادی کی تقریب ابوظہبی کے خوبصورت ضیا نورائی جزیرے پر ہوئی جہاں دونوں کے گھروالوں اورقریبی افراد نے شرکت کی۔

اس جو ڑی کی شادی کی تصاویر اورویڈیوز سوشل میڈیا پر وائرل ہورہی ہیں۔