معروف پاکستانی اداکارہ  میرا جی کی امریکی صدر ڈونلڈ ٹرمپ کی سرکاری رہائش گاہ ’وائٹ ہاؤس‘ کے باہر واک کرتے ویڈیو سوشل میڈیا پر وائرل ہوگئی۔

حال ہی میں اداکارہ میرا جی نے تصویر اور ویڈیو شیئرنگ ایپ انسٹاگرام پر اپنی ایک ویڈیو شیئر کی جس میں وہ امریکی صدر ڈونلڈ ٹرمپ کی سرکاری رہائش گاہ ’وائٹ ہاؤس‘ کے باہر واک کر رہی ہیں۔

See more

میرا جی کی جانب سے شیئر کی جانے والی ویڈیو میں دیکھا جاسکتا ہے کہ اداکارہ دور سے واک کرتی ہوئی وائٹ ہاؤس کے سامنے آکر رکُتی ہیں اور کہتی ہیں کہ ’کیا آپ کو معلوم ہے کہ میں وائٹ ہاؤس کے سامنے موجود ہوں۔‘

اداکارہ نے وائٹ ہاؤس کے سامنے کھڑے ہوکر اپنے مداحوں کو کورونا وائرس سے بچاؤ کی احتیاطی تدابیر بتاتے ہوئے کہا کہ ’بار بار اپنے ہاتھوں کو دھوئیں، اپنی قوت مدافعت کو بہتر بنائیں۔‘

اُنہوں نے کہا کہ ’اللّہ تعالیٰ نے ہمیں یہ بہترین موقع دیا ہے اِس لیے ہمیں چاہیے کہ ہم اللّہ کی عبادت کریں اور استغفار کریں ۔

See more

میرا جی نے اپنی اِس پوسٹ کے کیپشن میں لکھا کہ ’تندرستی ایک دولت ہے اور کورونا وائرس کے پیش نظر معاشرتی فاصلہ اختیار کریں۔‘

اداکارہ نے لکھا کہ ’معاشرتی تنہائی کو برقرار رکھتے ہوئے پارک میں تنہا مشق کریں اور کورونا وائرس سے محفوظ رہیں۔‘

اِس کے علاوہ بھی میرا جی نے انسٹاگرام پر کورونا کے حوالے سے اپنا ایک ویڈیو پیغام جاری کیا جس میں اُنہوں نے کہا کہ ’ہمیں کورونا وائرس کو شکست دینی ہے ہر تھوڑی دیر کے بعد اپنے ہاتھوں کو صابن سے دھوئیں۔‘