خیبرپختونخوا کے بیشتر اضلاع میں وقفے وقفے سے بارش جاری ہے۔

محکمہ موسمیات کے مطابق پشاور میں گذشتہ 24 گھنٹوں کے دوران 10 ملی میٹر بارش ریکارڈ کی گئی ہے۔

 پاڑاچنار میں 14، مردان میں 5، چارسدہ اور ایبٹ آباد میں 7، 7 ملی میٹر بارش ریکارڈ کی گئی جبکہ سب سے زیادہ بارش ڈی آئی خان میں 27 ملی میٹر ریکارڈ کی گئی ہے۔

دوسری جانب وادی کوئٹہ اور گردونواح میں مطلع جزوی ابرآلود ہے جبکہ کوئٹہ میں آج کم سے کم درجہ حرارت ایک ڈگری سینٹی گریڈ ریکارڈ کیا گیا ہے۔

محکمہ موسمیات کے مطابق آج شمال مشرقی بلوچستان میں بارش اور پہاڑوں پر برفباری کا امکان ہے۔