پاکستان افغانستان سرحد دوطرفہ تجارت کیلئے کھولنے کا فیصلہ ہوگیا۔

ذرائع کے مطابق پاکستان افغانستان سرحد چمن کے مقام پر اتوار سے دو طرفہ تجارت کیلئے کھولنے کا فیصلہ کیا گیا ہے جس کے لیے چمن میں باب دوستی پر پاکستان افغانستان سرحدی فورسز کے درمیان فلیگ میٹنگ ہوئی ۔

ذرائع کے مطابق اجلاس میں اتوار سے پاکستان افغانستان سرحد دوطرفہ تجارت کھولنے پر اتفاق کیا گیا ہے جس کے تحت کل سے دونوں ممالک میں پھنسے پاکستانی اور افغان شہریوں کو آنے جانے کی اجازت ہوگی۔

سیکیورٹی حکام کاکہناہے کہ باب دوستی پر پاکستان افغانستان سرحدی فورسز کے درمیان ہونے والی فلیگ میٹنگ میں تاجر برادری بھی شریک ہوئی،اس  سلسلے میں قرنطینہ میں خواتین اور مردوں کے لیے الگ الگ خیمے بنائے گئے ہیں، افغانستان سے آنیوالے پاکستانیوں کو قرنطینہ میں 14 دن رکھا جائے گا۔