سوشل میڈیا پرعاطف اسلم کی آواز میں اذان کو اب تک دنیا بھر سے لاکھوں لوگ سن چکے ہیں اور ہزاروں نے اس پر تبصرے کیے۔

تفصیلات کے مطابق سرحد پار سے انکیت پراجاپتی نامی ایک غیر مسلم مداح نے تبصرہ کرتے ہوئے لکھا میں ہندو ہوں لیکن مجھے اسلام بہت پسند ہے اور میں اس مذہب میں داخل ہونا چاہتا ہوں۔

ذرائع کے مطابق اذان سننے کے بعد انکیت کے اس تبصرے کو لوگوں کی بہت بڑی تعداد نے سراہا اور انہیں ترجمے کے ساتھ قرآن پڑھنے کا مشورہ دیا ۔

واضح رہے کہ بین الاقوامی شہرت کے حامل گلوکارعاطف اسلم نے اپنی آوازمیں اذان دی ہےجس کی وڈیو دیکھتے ہی دیکھتے دنیا بھر میں وائرل ہوگئی۔

عاطف اسلم کی خوبصورت آواز میں دی جانے والی اذان نے سننے والوں پر رقت طاری کردی اور لوگوں نے انہیں بے حد سراہا۔

یہ بات بھی قابل ذکر ہے کہ سراہنے والوں میں صرف ان کے مسلمان مداح ہی شامل نہیں ہیں بلکہ سرحد پار سے غیر مسلم مداحوں نے بھی عاطف اسلم کی آواز میں دی جانے والی اذان کو سنا اور اس کی بے حد تعریف کی۔