پنجاب میں دیگر سرکاری افسران سمیت ڈاکٹروں کی تنخواہیں بھی کورونا فنڈ میں کاٹ لی گئیں۔

تفصیلات کے مطابق پنجاب میں کورونا فنڈ کی مد میں ڈاکٹروں کی 2 دن کی تنخواہ کاٹی گئی ہے۔

 دوسری طرف وکلاء کو گرانٹ کے 10 کروڑ روپے دے دیے گئے۔

اس سے متعلق پنجاب حکومت کے ترجمان کا کہنا ہے کہ ہائی کورٹ بار کو گرانٹ ان وکلاء کے لیے دی گئی ہے جو لاک ڈاؤن کے باعث مالی مشکلات سے دوچار ہیں۔

ترجمان پنجاب حکومت نے یہ بھی کہا ہے کہ کورونا وائرس کے مریضوں کے علاج کے لیے تعینات ڈاکٹروں کے لیے وزیرِ اعلیٰ عثمان بزدار پہلے اضافی تنخواہ دینے کا اعلان کر چکے ہیں۔