ملک میں آج کورونا وائرس سے مزید 3 افراد جان کی بازی ہارگئے، پاکستان میں ہلاکتوں کی مجموعی تعداد 94 تک جاپہنچی، نئے کیسز سامنے آنے کے بعد متاثرہ مریضوں کی تعداد 5415 تک پہنچ گئی۔

ملک میں سب سے زیادہ خیبرپختونخوا میں34 ہلاکتیں سامنے آئیں ، سندھ 31 اور پنجاب میں 23 ہلاکتیں ہوئی ہیں۔ بلوچستان میں 2، گلگت 3 اور اسلام آباد میں ایک ہلاکت ہوچکی ہے۔

آج ملک میں اب تک کورونا کے مزید 183کیسز سامنے آئے ہیں ۔آج اب تک پنجاب میں 130 کیسز اور 2 ہلاکتیں، سندھ 41 کیسز ایک ہلاکت جب کہ اسلام آباد میں 12 کیسز رپورٹ ہوئے ہیں۔

سندھ

سندھ میں آج کورونا وائرس کے مزید 41 کیسز سامنے آئے اور ایک ہلاکت بھی ہوئی ہے جس کے بعد صوبے میں کیسز کی مجموعی تعداد 1452 اور ہلاکتیں 31 ہوگئی ہیں۔

ترجمان سندھ حکومت مرتضیٰ وہاب نے کیسز اور ہلاکتوں کی تصدیق کی۔

The following information is relevant to assess the situation of #COVIDー19 in Sindh as of 13th April at 8 AM:

Total Tests 13840
Positive Cases 1452 (today 41)
Recovered Cases 419
Deaths 31

In the last 24 hours, 30 people have recovered from corona in Sindh

— SenatorMurtaza Wahab (@murtazawahab1) April 13, 2020

انہوں نے بتایا کہ سندھ میں مزید 24 گھنٹوں کے دوران 30 افراد صحت یاب ہوئے ہیں جس کے بعد صحت یاب ہونے والوں کی تعداد 419 ہوگئی ہے۔

پنجاب

صوبے میں آج اب تک کورونا کےمزید 130 کیسزجبکہ 2 ہلاکتیں رپورٹ ہوئی ہیں ، وزیراعلیٰ پنجاب عثمان بزدار ہلاکتوں کی تصدیق کی ہے۔

اس طرح پنجاب میں کورونا کے مریضوں کی مجموعی تعداد 2594 اور ہلاکتیں 23 ہوگئی ہیں۔

وزیراعلیٰ پنجاب کے مطابق لاہور میں 434، ننکانہ صاحب 16، قصور 9، شیخوپورہ 10، راولپنڈی 71، جہلم 27، اٹک 1، چکوال 4، گوجرانوالہ 38، سیالکوٹ 27، نارووال 8، گجرات 135، حافظ آباد 12، منڈی بہاؤالدین 8، ملتان 23، وہاڑی 19، فیصل آباد 31، چنیوٹ 8، ٹوبہ ٹیک سنگھ 2، جھنگ 1، رحیم یار خان 41، سرگودھا 8، میانوالی 10، خوشاب 4، بہاولنگر 5، بہاولپور 6 لودھراں 3، ڈی جی خان 18 جب کہ لیہ اور اوکاڑہ میں ایک ایک کیس ہے۔

As of today No of confirmed #COVID19 cases has reached at 2,594 including 701 Zaireen, 821 Tableeghi Jamaats' members, 89 prisoners and 983 others.

Our Healthcare staff is dealing with this pandemic efficiently & IA we will be able to avert this crisis but with YOUR cooperation!

— Usman Buzdar (@UsmanAKBuzdar) April 12, 2020

پنجاب کے دیگر شہروں میں بھی کورونا وائرس سے متاثرہ 39 افراد صحت یاب ہو چکے ہیں۔

اسلام آباد

اسلام آباد میں آج اب تک کورونا کے مزید 12 کیسز سامنے آئے ہیں جو سرکاری پورٹل پر رپورٹ ہوئے ہیں۔

اسلام آباد میں نئے کیسز کے بعد متاثرہ مریضوں کی تعداد 131 ہوگئی ہے۔

وفاقی دارالحکومت میں اب تک کورونا سے ایک مریض کا انتقال ہوا ہے۔

خیبرپختونخوا

خیبرپختونخوا میں اتوار کو کورونا سے مزید 3 اموات ہوئیں جس کے بعد صوبے میں کل ہلاکتوں کی تعداد 34 ہوگئی جب کہ صوبے میں مزید 47 کیسز بھی رپورٹ ہوئے جس کے بعد کیسز کی مجموعی تعداد 744 ہوگئی۔

صوبائی محکمہ صحت کی جانب سے ہلاکتوں اور نئے کیسز کی تصدیق کی گئی۔

47 new cases confirmed in past 24 hours taking the tally to 744. 3 more deaths, all with history of Tableegh travel (52, 65, 80 yrs old), were reported taking the tally to 34. 3 more patients recovered taking tally to 145 in KP. 4,305 total tests conducted #coronavirusinpakistan pic.twitter.com/GNUCFsx4iC

— Health Department KP (@HealthKPGovt) April 12, 2020

محکمہ صحت کے مطابق صوبے میں ہلاکتیں مردان، پشاور اور صوابی میں ہوئیں جن کی عمریں 80، 65 اور 52 سال تھیں جبکہ تمام افراد کی تبلیغی جماعت کے ساتھ کی ٹریول ہسٹری موجود ہے۔

صوبائی محکمہ صحت نے بتایا کہ صوبے میں مزید 3 افراد صحتیاب ہوچکے ہیں جس کے بعد مہلک وائرس سے جنگ جیتنے والے افراد کی تعداد 145 ہوچکی ہے۔

بلوچستان

بلوچستان میں بھی اتوار کو مزید 2 نئے کیسز سامنے آئے جس کے بعد صوبے میں کیسز کی مجموعی تعداد 230 ہوگئی ہے۔

ترجمان صوبائی حکومت لیاقت شاہوانی کے مطابق نئے کیسز کی تصدیق کے بعد مقامی سطح پر کورونا سے متاثرہ افراد کی تعداد 82 ہوگئی۔

#بلوچستان میں #کورونا سے متاثرہ افراد کی تعداد 230 ہوگئی۔
مذید ایک فرد میں کرونا وائرس کی تصدیق ہوگئی ہے۔
68 رپورٹس موصول ہونے جن میں سے صرف ایک مثبت اور 67 منفی نتائج سامنے آئے۔
مذید مقامی شہری میں کرونا وائرس کیساتھ مقامی سطح پر کورونا سے متاثرہ افراد کی تعداد 82 ہوگئی۔

Advertisement

— Liaquat Shahwani (@LiaquatShahwani) April 12, 2020

صوبائی محکمہ صحت کے مطابق وائرس کے شکار مریضوں میں 18 ڈاکٹرز اور 3 پیرامیڈکس بھی شامل ہیں۔

محکمہ صحت کا بتانا ہےکہ بلوچستان میں کورونا کے 123 مریض صحت یاب ہوچکے ہیں۔

واضح رہے کہ صوبے اب تک کورونا سے 2 افراد جاں بحق ہوچکے ہیں۔

گلگت بلتستان

گلگت بلتستان میں اتوار کو مزید 8 کیسز سامنے آئے جس کے بعد علاقے میں کیسز کی مجموعی تعداد 224 ہو گئی ہے۔

گلگت میں مہلک وائرس سے متاثرہ 149 مریض صحت یاب بھی ہوچکے ہیں جب کہ 3 افراد وفات پاچکے ہیں۔

District wise distribution of #COVID19 cases in Gilgit-Baltistan. @IDGB_Official @DCGILGIT @DCNagarGB @DCSkardu @DKharmang @AstoreDeputy @HomeDeptGB #combatingcovid19 #CoronaFreeGB #InsAllah #StayHomeStaySafe pic.twitter.com/xCY3CvkMU5

— Health Department Gilgit-Baltistan (@HealthDeptGB) April 12, 2020

خیال رہےکہ گلگت بلتستان میں اب تک کورونا وائرس سے ہونے والی ہلاکتوں میں وائرس کی تشخیص کرنے والے ڈاکٹر اسامہ بھی شامل ہیں۔

آزاد کشمیر

آزاد کشمیر میں اتوار کو کورونا وائرس کے مزید 6 کیسز سامنے آئے جس کے بعد متاثرہ مریضوں کی تعداد 40 ہو گئی ہے۔

وزیراطلاعات آزاد کشمیر مشتاق منہاس نے ٹوئٹ کے ذریعے کیسز کی تصدیق کی۔

ازادکشمیر میں کرونا مریض کی تعداد 40 ہوگئی ہے

Advertisement

— Mushtaq Minhas (@mushtaqminhas) April 12, 2020

واضح رہے کہ آزاد کشمیر میں بھی کورونا وائرس کا پھیلاؤ روکنے کے لیے 24 مارچ سے تین ہفتوں کے لیے لاک ڈاؤن ہے۔